Author: CM Kerala

കെഎഎല്‍ ഇ-ഓട്ടോ നിര്‍മാണ ഉദ്ഘാടനം ബുധനാഴ്ച

തിരുവനന്തപുരം: പൊതുമേഖലാ സ്ഥാപനമായ കേരള ഓട്ടോമൊബീല്‍സ് ലിമിറ്റഡിന്റെ ഇലക്ട്രിക് ഓട്ടോറിക്ഷകളുടെ വ്യാവസായികാടിസ്ഥാനത്തിലുള്ള നിര്‍മാണവും  ആധുനീകരിച്ച മെഷീന്‍ ഷോപ്പും ബുധനാഴ്ച (ജൂലൈ 10) വൈകിട്ട് അഞ്ചിന് മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും. നെയ്യാറ്റിന്‍കര ആറാലുംമൂട്ടിലുള്ള കേരള ഓട്ടോമൊബീല്‍സ് അങ്കണത്തിലാണ് പരിപാടി.

വ്യവസായ- കായിക- യുവജനക്ഷേമ മന്ത്രി ഇ.പി.ജയരാജന്‍ ചടങ്ങില്‍ അധ്യക്ഷത വഹിക്കും. സഹകരണ- ദേവസ്വം- ടൂറിസം മന്ത്രി കടകംപള്ളി സുരേന്ദ്രന്‍ സൈഡ് വീല്‍ സ്കൂട്ടറുകളുടെ വിതരണം നിര്‍വ്വഹിക്കും. കെഎഎല്‍ എം.ഡി എ.ഷാജഹാന്‍ റിപ്പോര്‍ട്ട് അവതരിപ്പിക്കും. ഡോ. ശശി തരൂര്‍ എം.പി, എംഎല്‍എമാരായ കെ. ആന്‍സലന്‍, സി.കെ.ഹരീന്ദ്രന്‍, എന്നിവര്‍ സംസാരിക്കും. കെഎഎല്‍ ചെയര്‍മാന്‍ കരമന ഹരി സ്വാഗതവും ഡയറക്ടര്‍ സി.സത്യചന്ദ്രന്‍ നന്ദിയും പറയും. നെയ്യാറ്റിന്‍കര മുനിസിപ്പല്‍ ചെയര്‍പേഴ്സണ്‍ ഡബ്ല്യു.ആര്‍. ഹീബ, കൗണ്‍സിലര്‍ എസ്.എസ്. ജയകുമാര്‍, വ്യവസായ വകുപ്പ് പ്രിന്‍സിപ്പല്‍ സെക്രട്ടറി ഡോ. ഇ. ഇളങ്കോവന്‍, ഗതാഗത വകുപ്പ് പ്രിന്‍സിപ്പല്‍ സെക്രട്ടറി കെ.ആര്‍.ജ്യോതിലാല്‍, ഐടി സെക്രട്ടറി എം.ശിവശങ്കര്‍, പ്ലാനിംഗ് ബോര്‍ഡ് അംഗം ഡോ.കെ.രവിരാമന്‍, കെഎഎല്‍ ഡയറക്ടര്‍ പ്രദീപ് ദിവാകരന്‍, റിയാബ് ചെയര്‍മാന്‍ എന്‍.ശശിധരന്‍ നായര്‍, തിരുവിതാംകൂര്‍ ദേവസ്വം ബോര്‍ഡ് അംഗം കെ.പി.ശങ്കരദാസ്, കെഎഎല്‍ എംപ്ലോയീസ് അസോസിയേഷന്‍ വര്‍ക്കിംഗ് പ്രസിഡന്റ് എന്‍.എസ്.ദിലീപ്, കെഎഎല്‍ എംപ്ലോയീസ് യൂണിയന്‍ ജനറല്‍ സെക്രട്ടറി എം.ശ്രീകണ്ഠന്‍ നായര്‍, കെഎഎല്‍ എംപ്ലോയീസ് ഓര്‍ഗനൈസേഷന്‍ പ്രസിഡന്റ് ജി.മാഹീന്‍ അബൂബേക്കര്‍, സ്പാറ്റോ ജനറല്‍ സെക്രട്ടറി ഡോ.ഗോപകുമാര്‍, കെഎഎല്‍ വര്‍ക്കേഴ്സ് ഫ്രണ്ട് പ്രസിഡന്റ് അഡ്വ.എസ്.കെ.അശോക് കുമാര്‍ എന്നിവര്‍ പങ്കെടുക്കും. ഉദ്ഘാടന പരിപാടിക്കു മുന്നോടിയായി വൈകിട്ട് നാലു മുതല്‍ ചലച്ചിത്ര പിന്നണി ഗായിക രാജലക്ഷ്മിയും സംഘവും അവതരിപ്പിക്കുന്ന ഗാനമേളയും നടക്കും.

അന്തരീക്ഷ മലിനീകരണം തടയുക എന്ന ലക്ഷ്യത്തോടെ രണ്ടോ മൂന്നോ വര്‍ഷത്തിനുള്ളില്‍ ഇന്ത്യയില്‍ ഇലക്ട്രിക് വാഹനങ്ങള്‍ വ്യാപകമാക്കുകയാണ് ലക്ഷ്യമിടുന്നത്. ഇലക്ട്രിക് വാഹനങ്ങള്‍ക്ക് കേന്ദ്ര സര്‍ക്കാര്‍ ഒട്ടേറെ ഇളവുകള്‍ ബജറ്റില്‍ പ്രഖ്യാപിച്ചിട്ടുണ്ട്. കേരളവും ഇതിനൊത്ത് സഞ്ചരിക്കുന്നതിന്റെ ഭാഗമായാണ് ഇലക്ട്രിക് ഓട്ടോറിക്ഷകളും ബസുകളും ഇവിടെത്തന്നെ നിര്‍മിക്കാന്‍ തീരുമാനിച്ചത്. ഇലക്ട്രിക് ഓട്ടോകളുടെ നിര്‍മാണത്തിന് ഓട്ടോമോട്ടീവ് റിസര്‍ച്ച് അസോസിയേഷന്‍ ഓഫ് ഇന്‍ഡ്യയുടെ (എആര്‍എഐ)  സര്‍ട്ടിഫിക്കേഷന്‍ കെഎഎല്ലിന് ലഭിച്ചുകഴിഞ്ഞു. ആദ്യഘട്ടമായി പ്രതിവര്‍ഷം 8000 ഇലക്ട്രിക് ഓട്ടോറിക്ഷകള്‍ നിര്‍മിച്ച് വിപണിയിലെത്തിക്കുകയാണ് ലക്ഷ്യം. പിന്നീട് ആവശ്യത്തിനനുസരിച്ച് ഉത്പാദനം വര്‍ധിപ്പിക്കും. വൈകാതെ വിപണിയില്‍ നിന്നുള്ള ഓര്‍ഡറുകള്‍ സ്വീകരിച്ചുതുടങ്ങും. കിലോമീറ്ററിന് 50 പൈസ മാത്രമായിരിക്കും ഇലക്ട്രിക് ഓട്ടോയുടെ പ്രവര്‍ത്തനച്ചെലവ്. അറ്റകുറ്റപ്പണികളും താരതമ്യേന കുറവായിരിക്കും. വിദേശ കമ്പനിയായ ഹെസ്സിന്റെ സാങ്കേതിക സഹായത്തോടെയും കെഎസ്ആര്‍ടിസിയുടെ സഹകരണത്തോടെയും ഒന്‍പതു മാസത്തിനകം ഇലക്ട്രിക് ബസുകളുടെ നിര്‍മാണ രംഗത്തേക്കും കേരള ഓട്ടോമൊബീല്‍സ് കടക്കും.

മന്ത്രിസഭാ തീരുമാനങ്ങള്‍ 10-07-2019

എന്‍.ആര്‍.കെ ഇന്‍വെസ്റ്റ്മെന്‍റ് കമ്പനി

പ്രവാസി മലയാളികളില്‍ നിന്നും 74 ശതമാനം ഓഹരി മൂലധനം സമാഹരിച്ച് എന്‍.ആര്‍.കെ ഇന്‍വെസ്റ്റ്മെന്‍റ് കമ്പനി രൂപീകരിക്കാന്‍ മന്ത്രിസഭ തീരുമാനിച്ചു. 26 ശതമാനം ഓഹരി സര്‍ക്കാരിനായിരിക്കും. എന്‍.ആര്‍.കെ ഇന്‍വെസ്റ്റ്മെന്‍റ് ആന്‍റ് ഹോള്‍ഡിംഗ് കമ്പനി ലിമിറ്റഡ് എന്നായിരിക്കും നിര്‍ദിഷ്ട കമ്പനിയുടെ പേര്. ലോക കേരള സഭയുടെ സ്റ്റാന്‍റിംഗ് കമ്മിറ്റികള്‍ സമര്‍പ്പിച്ച ശുപാര്‍ശകളില്‍ പ്രധാനപ്പെട്ടതാണ് പ്രവാസി നിക്ഷേപ കമ്പനിയുടെ രൂപീകരണം. (more…)

മന്ത്രിസഭാ തീരുമാനങ്ങള്‍ 26-06-2019

കേരള സ്റ്റേറ്റ് ബിവറേജസ് കോര്‍പ്പറേഷനില്‍ സര്‍വ്വീസിലിരിക്കെ മരണപ്പെടുന്ന അബ്കാരി വര്‍ക്കര്‍മാരുടെ ആശ്രിതര്‍ക്ക് വിദ്യാഭ്യാസ യോഗ്യതയ്ക്ക് അനുസൃതമായി കോര്‍പ്പറേഷനിലെ ക്ലാസ് 3, ക്ലാസ് 4 തസ്തികകളിലേക്ക് ആശ്രിതനിയമനം നല്‍കാന്‍ ബന്ധപ്പെട്ട ഉത്തരവ് ഭേദഗതി ചെയ്യാന്‍ തീരുമാനിച്ചു. (more…)

മന്ത്രിസഭാ തീരുമാനങ്ങള്‍ 19-06-2019

പ്രശസ്ത സാഹിത്യകാരന്‍ യു.എ. ഖാദറിന്‍റെ ചികിത്സയ്ക്ക്  മുഖ്യമന്ത്രിയുടെ ദുരിതാശ്വാസ നിധിയില്‍ നിന്ന് പത്തു ലക്ഷം രൂപ അനുവദിച്ചു.


ഡയറക്ടര്‍ ജനറല്‍ ഓഫ് പ്രോസിക്യൂഷന്‍ അഡ്വ. സി. ശ്രീധരന്‍നായരുടെ നിയമന കാലാവധി 13-06-2019 മുതല്‍ മൂന്നു വര്‍ഷത്തേക്ക് ദീര്‍ഘിപ്പിച്ചു. (more…)

Proud Moment for Kerala

London Stock Exchange is one of the oldest stock exchanges. 2600 companies from 60 countries are part of it. It is a matter of immense pleasure to have been able to open the London Stock Market for trade on 17th May. Beyond the personal happiness, this feat is an acknowledgement for Kerala at the global level.

The invitation for the same was offered by the stock exchange officials in connection with the listing of Kerala Infrastructure Investment Board (KIIFB) Masala Bond on the London Stock Exchange. Finance Minister Thomas Isaac and KIIFB Chief Executive Dr. K M Abraham also participated in the ceremony. The opening of stock market was ensued by a conversation with the stock exchange officials.

KIIFB Masala bonds are issued in order to collect money for the infrastructure development in the state. A bond that is issued outside India but denominated in Indian Rupees is called Masala Bond. The advantage is that the fluctuations in the exchange rate between Indian Rupee and Foreign currency will not affect the company or institution that issues these bonds. The risk is for those who invest in the bond. KIIFB has decided, with the due permission of the Reserve Bank, to collect 3500 crore rupees from the foreign market in the first phase. KIIFB Bond will also be listed on Singapore Stock Exchange.

Kerala is committed to ensure best infrastructural facilities in order to attract industrial investment. Financial constraints will not be an impediment in providing infrastructural facilities of an international standard.

Government is intervening with a realization that Kerala is lagging behind as an industrial investment hub. The government has already made policy framework for streamlining the industrial activities. Accordingly, changes have been made in laws and administrative procedures. Many a steps have been taken by the government to create an investment-friendly atmosphere. A single-window arrangement has already been set up to give online permissions for business. The bureaucratic inspection before the setting up of business has been done away with. Returns can now be filed online. Tax payment is also online.

All the procedures for industrial permissions have been made simple and transparent. Those who wish to invest in the industrial sector in Kerala will get good consideration from the government.

However, government will also make sure that the industrialization is not jeopardizing the environment. Legislations for the benefit of people’s welfare will also be carried out without fail.

Large scale IT companies are now in operation in government IT parks. Apart from this, Kerala is able to attract investment in other sectors too. The top priority of the government is to provide the youth with dignified job opportunities through industrial development. Improving basic amenities, creating highly qualified human resources and generating more investment opportunities by simplifying procedures are the immediate objectives of the government.

Large section of the tourists visiting Kerala are from Britain. However, the investment in tourism sector from Britain is below par. This shall also be rectified.

During the meetings held as part of the visit, entrepreneurs from the UK were invited to invest in Kerala. Investors were invited to our state in order to prove that Kerala is investment friendly both in word and deed.

മന്ത്രിസഭാ തീരുമാനങ്ങള്‍ 12-06-2019

അടിയന്തര കടലാക്രമണ പ്രതിരോധത്തിന് 22.5 കോടി രൂപ
ഒമ്പത് തീരദേശ ജില്ലകളില്‍ അടിയന്തര കടലാക്രമണ പ്രതിരോധ പ്രവര്‍ത്തനങ്ങള്‍ക്ക് 22.5 കോടി രൂപ അനുവദിക്കാന്‍ തീരുമാനിച്ചു. തിരുവനന്തപുരം, കൊല്ലം, ആലപ്പുഴ, എറണാകുളം, തൃശ്ശൂര്‍, മലപ്പുറം, കോഴിക്കോട്, കണ്ണൂര്‍, കാസര്‍കോട് എന്നീ ജില്ലകളിലാണ് അടിയന്തര പ്രതിരോധ പ്രവര്‍ത്തനങ്ങള്‍ നടത്തുന്നത്.
വിവിധ വകപ്പുകളുടെ ജില്ലാ തലവന്‍മാരെ ഉള്‍പ്പെടുത്തി കലക്ടര്‍മാരുടെ നേതൃത്വത്തില്‍ കടലാക്രമണ പ്രതിരോധ പ്രവര്‍ത്തനങ്ങള്‍ ഏകോപിപ്പിക്കുന്നതിന് കമ്മിറ്റി രൂപീകരിക്കാനും തീരുമാനിച്ചു. അതാതിടത്തെ ജനപ്രതിനിധികളെ കൂടി ഉള്‍പ്പെടുത്തി മേല്‍നോട്ടത്തിന് ജനകീയ കമ്മിറ്റിയും രൂപീകരിക്കും.

(more…)

മന്ത്രിസഭാ തീരുമാനങ്ങള്‍ 29-05-2019

ഹൈസ്കൂള്‍, ഹയര്‍സെക്കന്‍ററി ഏകീകരണം നടപ്പാക്കും

സംസ്ഥാനത്ത് പന്ത്രണ്ടാം ക്ലാസ് വരെയുള്ള വിദ്യാഭ്യാസത്തിന്‍റെ ഗുണനിലവാരം മികവുറ്റതാക്കുന്നതിന് പ്രൊഫ. ഖാദര്‍ കമ്മിറ്റി ശുപാര്‍ശ ചെയ്ത പ്രകാരം ഹൈസ്കൂള്‍, ഹയര്‍സെക്കന്‍ററി, വൊക്കഷണല്‍ ഹയര്‍ സെക്കന്‍ററി ഏകീകരണം നടപ്പിലാക്കാന്‍ മന്ത്രിസഭ തീരുമാനിച്ചു. (more…)

മന്ത്രിസഭാ തീരുമാനങ്ങള്‍ 05-03-2019

കാലവര്‍ഷക്കെടുതിയും കാര്‍ഷികോല്‍പ്പന്നങ്ങളുടെ വിലത്തകര്‍ച്ചയും നോട്ട് നിരോധനം പോലുള്ള നടപടികള്‍ കമ്പോളത്തിലുണ്ടാക്കിയ പ്രതിസന്ധിയും ജി.എസ്.ടി നടപ്പാക്കിയതുമെല്ലാം കാര്‍ഷികമേഖലയെ പ്രതികൂലമായി ബാധിച്ചിട്ടുണ്ട്.  ഇത് ഉള്‍ക്കൊണ്ട് ഇടപെടുന്ന സമീപനം ദേശീയാടിസ്ഥാനത്തില്‍ സ്വീകരിക്കാത്തതുകൊണ്ട് രാജ്യവ്യാപകമായിത്തന്നെ വലിയ പ്രതിഷേധങ്ങള്‍ ഉയര്‍ന്നുവരികയാണ്.
ഈ സാഹചര്യത്തില്‍ സംസ്ഥാന സര്‍ക്കാരിന്‍റെ പരിമിതികള്‍ക്കകത്തുനിന്നുകൊണ്ട് ഈ പ്രശ്നം പരിഹരിക്കുന്നതിനുള്ള നടപടികളാണ് സ്വീകരിക്കുന്നത്. നേരത്തെ തന്നെ കര്‍ഷകരുടെ കടങ്ങള്‍ക്ക് പലിശ ഇളവ് ഉള്‍പ്പെടെയുള്ള നടപടികള്‍ സംസ്ഥാന സര്‍ക്കാര്‍ സ്വീകരിച്ചിരുന്നു. ഈ സാഹചര്യത്തില്‍, കൃഷിക്കാരെ സഹായിക്കാന്‍ ഫലപ്രദമായ നടപടികളാണ് വേണ്ടത്. കര്‍ഷകരുടെ പ്രയാസം പരിഹരിക്കുന്നതിനുള്ള നടപടികളുടെ ഭാഗമായാണ് ഇടുക്കി, വയനാട് ജില്ലകള്‍ക്കും കുട്ടനാടിനും വേണ്ടി പ്രത്യേക പാക്കേജ് പ്രഖ്യാപിച്ചത്. കാര്‍ഷികോല്‍പ്പന്നങ്ങളില്‍ നിന്ന് മൂല്യവര്‍ദ്ധിത ഉല്‍പ്പന്നങ്ങള്‍ ഉല്‍പ്പാദിപ്പിക്കാനുള്ള ഇടപെടലും ഇതിന്‍റെ ഭാഗമാണ്. കാര്‍ഷിക മേഖലയിലെ പ്രശ്നങ്ങള്‍ കണക്കിലെടുത്ത് അടിയന്തരമായ ചില തീരുമാനങ്ങള്‍ മന്ത്രിസഭാ യോഗം എടുത്തിട്ടുണ്ട്.

(more…)

അഭിനന്ദന്‍ തിരികെ എത്തിയതില്‍ മുഖ്യമന്ത്രി ആഹ്ലാദം പ്രകടിപ്പിച്ചു

എയര്‍ഫോഴ്സ് വിങ് കമാണ്ടര്‍ അഭിനന്ദന്‍ വര്‍ധമാന്‍ ഇന്ത്യന്‍ മണ്ണില്‍ തിരികെ എത്തിയതില്‍ മുഖ്യമന്ത്രി പിണറായി വിജയന്‍ ആഹ്ലാദം പ്രകടിപ്പിച്ചു. അഭിനന്ദന്‍ പ്രകടിപ്പിച്ച നിശ്ചയ ദാര്‍ഢ്യവും ധീരതയും അഭിമാനകരമാണ്. ഇരു രാജ്യങ്ങളും തമ്മിലുള്ള സംഘര്‍ഷത്തിന് അയവ് വരുത്തി സമാധാനത്തിന്റെ സന്ദേശം നല്‍കിയാണ് അഭിനന്ദന്റെ ആഗമനം എന്നത് ഏറെ സന്തോഷം പകരുന്നു. കേരള ജനതയ്ക്കു വേണ്ടി അദ്ദേഹത്തെ അഭിവാദ്യം ചെയ്യുന്നതായി മുഖ്യമന്ത്രി പറഞ്ഞു.

മുഖ്യമന്ത്രിയുടെ ഓഫീസ് 28-02-2019

തിരുവനന്തപുരം വിമാനത്താവളം:
പ്രധാനമന്ത്രി ഇടപെടണമെന്ന് മുഖ്യമന്ത്രി

തിരുവനന്തപുരം അന്താരാഷ്ട്ര വിമാനത്താവളം അദാനി ഗ്രൂപ്പിനെ ഏല്‍പിക്കാനുള്ള നടപടികള്‍ നിര്‍ത്തിവെപ്പിക്കുന്നതിനും കെ.എസ്.ഐ.ഡി.സിയുടെ നേതൃത്വത്തില്‍ സംസ്ഥാന സര്‍ക്കാര്‍ രൂപീകരിച്ച പ്രത്യേക കമ്പനിക്ക് വിമാനത്താവളം നടത്തിപ്പിന്‍റെ ചുമതല നല്‍കുന്നതിനും അടിയന്തരമായി ഇടപെടണമെന്ന് ആവശ്യപ്പെട്ട് മുഖ്യമന്ത്രി പിണറായി വിജയന്‍ പ്രധാനമന്ത്രി നരേന്ദ്ര മോദിക്ക് കത്തയച്ചു. സംസ്ഥാനത്തിന്‍റെയും കേന്ദ്രത്തിന്‍റെയും താല്പര്യം അതുവഴി സംരക്ഷിക്കാന്‍ കഴിയുമെന്നും സംസ്ഥാന സര്‍ക്കാരിന്‍റെ പിന്തുണയോടെ വിമാനത്താവളം വികസിപ്പിക്കാന്‍ വഴിയൊരുങ്ങുമെന്നും മുഖ്യമന്ത്രി പറഞ്ഞു. (more…)