Category: Public Speeches

മഹാത്മജിയുടെ രക്തസാക്ഷിത്വത്തിന്‍റെ എഴുപതു വര്‍ഷങ്ങള്‍

നമ്മുടെ രാഷ്ട്രപിതാവ് മഹാത്മാഗാന്ധി രക്തസാക്ഷിത്വം വരിച്ചിട്ട് ഏഴുപതിറ്റാണ്ട് തികയുകയാണ്. ആ രക്തസാക്ഷിത്വ സ്മരണയ്ക്കുമുമ്പില്‍ ആദരാഞ്ജലികള്‍ അര്‍പ്പിക്കുന്നു. അദ്ദേഹത്തിന്‍റെ ജീവിതവും ജീവത്യാഗവും ഏതൊക്കെ മൂല്യങ്ങള്‍ക്കു വേണ്ടിയുള്ളതായിരുന്നോ, ആ മൂല്യങ്ങള്‍ കൂടുതല്‍ പ്രസക്തമാവുന്ന ഒരു കാലത്താണ് നാം ജീവിക്കുന്നത്. അതുതന്നെയാണ് ആ രക്തസാക്ഷിത്വ ദിനാചരണത്തെ എക്കാലവും കൂടുതല്‍ പ്രസക്തമാക്കുന്നത്.

ആ ജീവിതസന്ദേശം പുതിയ സമൂഹത്തിന്‍റെ മനഃസാക്ഷിയില്‍ ഉള്‍ച്ചേര്‍ക്കാന്‍ ശ്രദ്ധേയമായ പ്രവര്‍ത്തനങ്ങള്‍ ഉണ്ടാകേണ്ടതുണ്ട്. അത് ഏറ്റെടുക്കുക എന്നു പറയുന്നത് സമൂഹത്തിന്‍റെ ഉല്‍കര്‍ഷത്തിലും മാനവരാശിയുടെ അതിജീവനത്തിലും താല്‍പര്യമുള്ള ഏതു ഭരണസംവിധാനത്തിന്‍റെയും ധാര്‍മികമായ ഉത്തരവാദിത്വമാണ്. ആ ഉത്തരവാദിത്വം കേരള ഗവണ്‍മെന്‍റ് ഏറ്റെടുക്കുകയാണ്. (more…)

ലോക കേരള സഭ ഉദ്ഘാടന പ്രസംഗം

ലോക കേരളസഭ എന്ന മഹത്തായ സങ്കല്‍പം യാഥാര്‍ത്ഥ്യമാവുകയാണ്. സഭയുടെ പ്രഥമ സമ്മേളനം നടക്കുകയാണിവിടെ. ഇതിലേക്കു വന്നെത്തിയിട്ടുള്ള മുഴുവന്‍ പേരെയും സന്തോഷത്തോടെയും അഭിമാനത്തോടെയും ഞാന്‍ സ്വാഗതം ചെയ്യുന്നു.

‘കേരളം വളരുന്നു; പശ്ചിമഘട്ടങ്ങളെ കേറിയും കടന്നും ചെന്ന് അന്യമാംദേശങ്ങളില്‍’ എന്ന് എത്രയോ പതിറ്റാണ്ടുകള്‍ക്കു മുമ്പേ തന്നെ മലയാളത്തിന്‍റെ ഒരു മഹാകവി കുറിച്ചുവെച്ചു- മഹാകവി പാലാ നാരായണന്‍നായര്‍. അന്നും അതിനുശേഷവും ആ വാക്കുകള്‍ കുടുതല്‍ കൂടുതല്‍ സത്യവും യാഥാര്‍ത്ഥ്യവുമാവുന്നതാണു നമ്മള്‍ കണ്ടത്. അതെ, കേരളം വിശ്വചക്രവാളങ്ങളോളം വളരുന്ന കാലമാണു കടന്നുപോയത്. ആ വളര്‍ച്ച ഇന്നും തുടരുകയാണ്. (more…)

വൈറോളജി മീറ്റ് 2017

അന്താരാഷ്ട്ര വൈറോളജി സംഗമം, വൈറോളജി ഗവേഷണ വികസന കേന്ദ്രം സ്ഥാപിക്കല്‍ എന്നിവയുമായി ബന്ധപ്പെട്ട കൂടിയാലോചനകള്‍ക്കായി ഇവിടെ എത്തിയിട്ടുള്ള ശാസ്ത്രജ്ഞന്‍മാരെയും മറ്റു പ്രശസ്ത വ്യക്തികളെയും ഗവേഷകരെയും വിദ്യാര്‍ത്ഥികളെയും അഭിവാദ്യം ചെയ്യുന്നു.

നമ്മുടെ രാജ്യത്തിനുതന്നെ മാതൃകയായി ശാസ്ത്രരംഗത്ത് മുന്നേറുന്ന കേരളം മറ്റു സംസ്ഥാനങ്ങള്‍ക്ക് അനുകരണീയമായ പ്രവര്‍ത്തനങ്ങളാണ് കാഴ്ചവെയ്ക്കുന്നത്. കൂട്ടായ പ്രവര്‍ത്തനങ്ങളിലൂടെ സംസ്ഥാന ശാസ്ത്ര കൗണ്‍സിലും അനുബന്ധ ഗവേഷണ വികസന സ്ഥാപനങ്ങളും നടത്തിവരുന്ന പ്രവര്‍ത്തനങ്ങള്‍ വളരെ വിലപ്പെട്ടതാണ് എന്ന് സര്‍ക്കാര്‍ കരുതുന്നു. ശാസ്ത്ര ഗവേഷണ പദ്ധതികള്‍ പ്രോത്സാഹിപ്പിക്കുന്നതിന് ശാസ്ത്ര സാങ്കേതിക പരിസ്ഥിതി കൗണ്‍സില്‍ നടത്തിവരുന്ന പ്രവര്‍ത്തനങ്ങളെ അഭിനന്ദിക്കുന്നു. (more…)

ലൈഫ് – കോഴിക്കോട്

കോഴിക്കോട് ജില്ലയിലെ ലൈഫ് മിഷന്‍ സമ്പൂര്‍ണ ഭവനപദ്ധതിയുടെ പ്രവര്‍ത്തന ഉദ്ഘാടനം നിര്‍വഹിക്കാന്‍ കഴിയുന്നതില്‍ എനിക്ക് ഏറെ സന്തോഷവും അഭിമാനവും ഉണ്ട്. ആദ്യ സമ്പൂര്‍ണ ഭവനവല്‍കൃത ലൈഫ് മിഷന്‍ ജില്ലയായി മാറാന്‍ കോഴിക്കോട് നടത്തിയിട്ടുള്ള തയ്യാറെടുപ്പ് വളരെ പ്രശംസനീയമാണ് എന്നു പറയട്ടെ.

ഏകദേശം പതിനായിരത്തോളം ഭൂരഹിത, ഭവനരഹിതരും പതിനായിരത്തോളം ഭൂമിയുള്ള ഭവനരഹിതരുമാണ് ഈ ജില്ലയിലുള്ളത്. ഇതിനുപുറമെ മുന്‍കാലങ്ങളില്‍ ചില ഭവനപദ്ധതികളുടെ ഭാഗമായി നിര്‍മാണം തുടങ്ങിവെച്ചതും എന്നാല്‍ പൂര്‍ത്തിയാക്കാന്‍ കഴിയാത്തതുമായ എണ്ണായിരത്തി ഒരുന്നൂറ് വീടുകളുടെ അവകാശികളുമുണ്ട്. ഇവര്‍ക്കാകെ താമസസ്ഥലം ഉണ്ടാക്കിക്കൊടുക്കുക എന്നത് തീര്‍ച്ചയായും വലിയൊരു വെല്ലുവിളിയാണ്. ലൈഫ് പദ്ധതിക്കു കീഴില്‍ ആ വെല്ലുവിളി ആത്മവിശ്വാസത്തോടെ ഏറ്റെടുക്കുകയാണ് കോഴിക്കോട് ജില്ല.കോഴിക്കോട് ജില്ലയിലെ എല്ലാ ഭൂരഹിത-ഭവനരഹിതര്‍ക്കും വീട് നല്‍കുന്നതിന് ഏതാണ്ട് 188 ഏക്കര്‍ ഭൂമിയാണ് ആവശ്യമായി വരുന്നത്. (more…)

ശിശുസൗഹൃദ പൊലീസ് സ്റ്റേഷന്‍

പൊലീസിന് മാനുഷികമായ മുഖവും മനസ്സും നല്‍കുക എന്ന കാര്യത്തില്‍ പ്രതിജ്ഞാബദ്ധമാണ് ഗവണ്‍മെന്‍റ്. ഗവണ്‍മെന്‍റിന്‍റെ ഈ മനോഭാവം ഇതിനകം തന്നെ പല നടപടികളില്‍ പ്രതിഫലിച്ചിട്ടുണ്ട്. ആ പരമ്പരയിലെ ഏറ്റവും പുതിയതാണ് ശിശുസൗഹൃദ പൊലീസ് സ്റ്റേഷനുകള്‍.

സ്ത്രീകള്‍ക്കും കുട്ടികള്‍ക്കുമായി പ്രത്യേക വകുപ്പ്, വനിതകള്‍ എസ്എച്ച്ഒമാരായുള്ള പൊലീസ് സ്റ്റേഷനുകള്‍, വനിതാ പൊലീസ് സ്റ്റേഷനുകള്‍, വനിതാ പൊലീസിന്‍റേതായ ബറ്റാലിയന്‍, മൊത്തം പൊലീസ് സംഖ്യയുടെ 25 ശതമാനത്തിലേക്ക് വനിതാ പൊലീസിന്‍റെ പ്രാതിനിധ്യം വര്‍ധിപ്പിക്കാന്‍ ഉദ്ദേശിച്ചുള്ള പടിപടിയായ വനിതാ റിക്രൂട്ട്മെന്‍റ്, പിങ്ക് പൊലീസ് സംവിധാനം തുടങ്ങി പല പല കാര്യങ്ങളിലൂടെ പൊലീസിനെക്കുറിച്ചുള്ള പരമ്പരാഗത സങ്കല്‍പങ്ങള്‍ പൊളിച്ചെഴുതാന്‍ പോരുന്ന നടപടികളുമായി മുമ്പോട്ടുപോവുകയാണ് സര്‍ക്കാര്‍. (more…)

ശിശുദിനാഘോഷം

സംസ്ഥാന ശിശുക്ഷേമ സമിതിയുടെ ആഭിമുഖ്യത്തില്‍ സംഘടിപ്പിച്ചിട്ടുള്ള ശിശുദിനാഘോഷ പരിപാടിയില്‍ പങ്കെടുക്കാനാകുന്നതില്‍ എനിക്കേറെ സന്തോഷമുണ്ട്. ഒക്ടോബര്‍ 20 മുതല്‍ നടന്നുവരുന്ന വിവിധ പരിപാടികളുടെ ഭാഗമായി സംഘടിപ്പിച്ചിട്ടുള്ള ഈ പൊതുസമ്മേളനത്തില്‍ പങ്കെടുത്തുകൊണ്ടിരിക്കുന്ന മുഴുവന്‍ കുട്ടികളെയും ഞാന്‍ സ്നേഹപൂര്‍വ്വം അഭിവാദ്യം
ചെയ്യുന്നു.

കുട്ടികളെ ഏറെ സ്നേഹിച്ചിരുന്ന നമ്മുടെ ആദ്യ പ്രധാനമന്ത്രി പണ്ഡിറ്റ് ജവഹര്‍ലാല്‍ നെഹ്റുവിന്‍റെ ജډദിനമാണല്ലോ നാം ശിശുദിനമായി ആഘോഷിക്കുന്നത്. നമ്മുടെ കര്‍ഷകരുടെയും തൊഴിലാളികളുടെയും വിയര്‍പ്പിലും ഗ്രാമത്തിന്‍റെ വിശുദ്ധിയിലും ഇന്ത്യയെ കണ്ടെത്താനുള്ള കരുത്ത് കുട്ടികള്‍ക്കുണ്ടാകണമെന്ന് നെഹ്രു ആഗ്രഹിച്ചിരുന്നു. കാരണം രാജ്യത്തിന്‍റെ ഭദ്രത വരുംതലമുറയുടെ കൈകളിലാണെന്ന് അദ്ദേഹത്തിന് വ്യക്തമായ തിരിച്ചറിവുണ്ടായിരുന്നു. (more…)

പെരുന്തേനരുവി ജലവൈദ്യുത പദ്ധതി

പെരുന്തേനരുവി ചെറുകിട ജലവൈദ്യുത പദ്ധതിയുടെ ഉദ്ഘാടന ചടങ്ങില്‍ പങ്കെടുക്കാനാകുന്നതില്‍ എനിക്കേറെ സന്തോഷമുണ്ട്. കാരണങ്ങള്‍ പലതുണ്ട്. പരിസ്ഥിതിസൗഹൃദമായ ഒരു പദ്ധതിയാണിത് എന്നത് അതിലൊന്നാണ്. നമ്മുടെ വൈദ്യുതി ഉല്‍പാദനത്തെ അത്ര വലിയതോതിലൊന്നുമല്ലെങ്കിലും മുമ്പോട്ടുകൊണ്ടുപോകുന്നു ഈ പദ്ധതി എന്നതാണു മറ്റൊന്ന്. നാടിനെ അടിസ്ഥാനപരമായ വികസനത്തിലേക്കു നയിക്കാനുള്ള പദ്ധതികള്‍ ഫലപ്രദമാവണമെങ്കില്‍ വൈദ്യുതി കൂടിയേ തീരൂ. ആ ബോധത്തോടെയുള്ള കര്‍മപരിപാടികളുമായി നീങ്ങുന്ന സര്‍ക്കാരിനെ സംബന്ധിച്ചിടത്തോളം പെരുന്തേനരുവി പദ്ധതി ശ്രദ്ധേയമായ ഒരു കാല്‍വെയ്പ്പു തന്നെയാണ്.

പമ്പാനദിയില്‍ പെരുന്തേനരുവി വെള്ളച്ചാട്ടത്തിന് സമീപമാണ് ഈ പദ്ധതി നിര്‍മിച്ചിട്ടുള്ളത്. പ്രകൃതിഭംഗിക്ക് പോറലേല്‍പിക്കാതെ വൈദ്യുതി ഉല്‍പാദിപ്പിക്കുന്നു. ഈ നിലയത്തില്‍ നിന്നുള്ള വൈദ്യുതി റാന്നി 110 കെ വി സബ്സ്റ്റേഷന്‍ വഴിയും റാന്നി – പെരുനാട് 33 കെ വി സബ് സ്റ്റേഷന്‍ വഴിയും പ്രസരണം ചെയ്യും. ഏകദേശം 35,000 വീടുകള്‍ക്ക് ഈ പദ്ധതിയുടെ പ്രയോജനം ലഭിക്കും. (more…)

പാലാ സ്പോര്‍ട്സ് സ്കൂള്‍

സ്കൂള്‍തലത്തിലുള്ള സ്പോര്‍ട്സിന് രാജ്യത്ത് ഏറ്റവും കൂടുതല്‍ പ്രധാന്യം നല്‍കുന്ന സംസ്ഥാനമാണ് കേരളം. ചെറുപ്രായത്തില്‍ തന്നെ കുട്ടികളെ കളിക്കളങ്ങളിലേക്ക് ആകര്‍ഷിക്കുന്നതില്‍ നമ്മുടെ സ്കൂളുകള്‍ വഹിക്കുന്ന പങ്ക് ഏറെ വലുതാണ്. സ്പോര്‍ട്സ് സ്കൂളുകളും കായികമേഖലയ്ക്ക് കാര്യമായ പ്രോത്സാഹനം നല്‍കുന്ന മറ്റു സ്കൂളുകളുമാണ് നമ്മുടെ കായികവികസനത്തിന്‍റെ അടിത്തറ. ഈ അടിത്തറയില്‍ നിന്നുകൊണ്ടാണ് നിരവധി ദേശീയ, അന്തര്‍ദേശീയ താരങ്ങളെ രാജ്യത്തിനു സംഭാവന ചെയ്യാന്‍ സാധിച്ചത്.

സ്കൂള്‍തല കായികമേളകള്‍ ഇത്രയേറെ ആസൂത്രണത്തോടെ നടത്തുന്ന മറ്റൊരു സംസ്ഥാനവുമില്ല. ദേശീയ സ്കൂള്‍ കായികമേളയില്‍ കേരളം പുലര്‍ത്തുന്ന ആധിപത്യം ഇതിനു തെളിവാണ്. പതിനായിരക്കണക്കിനു കുട്ടികളാണ് ഒരു വര്‍ഷം വിവിധതലങ്ങളിലുള്ള സ്കൂള്‍ കായികമേളകളില്‍ പങ്കെടുക്കുന്നത്. സംസ്ഥാന സ്കൂള്‍ കായികമേളയില്‍ മൂവായിരത്തോളം കുട്ടികള്‍ പങ്കെടുക്കുന്നു. ലോകത്തുതന്നെ സ്കൂള്‍തലത്തില്‍ ഇത്തരമൊരു കായികസംഘാടനം അപൂര്‍വമാണ്. (more…)

ഉത്തരവാദിത്ത ടൂറിസം മിഷന്‍

വിനോദ സഞ്ചാരം കേരളത്തിന്‍റെ വികസന രംഗത്ത് വലിയ മുതല്‍ക്കൂട്ടാകാന്‍ കഴിയുന്ന വ്യവസായമാണ്. കേരളത്തിലെ വിനോദസഞ്ചാര മേഖലയില്‍ സംസ്ഥാന സര്‍ക്കാര്‍ ഇപ്പോള്‍ പ്രത്യേക ശ്രദ്ധ പതിപ്പിച്ചുകൊണ്ടാണ് മുന്നേറുന്നത്. കേരളടൂറിസത്തെ റീബ്രാണ്ട് ചെയ്യുവാനുള്ള ശ്രമങ്ങള്‍ സര്‍ക്കാര്‍ ആരംഭിച്ചു കഴിഞ്ഞു.

കേരളത്തിലെ ടൂറിസം വികസനം ജനകീയ താല്‍പര്യങ്ങള്‍ മുന്‍നിര്‍ത്തിയാകണം എന്നതാണ് സര്‍ക്കാര്‍ നയം. പ്രകൃതിയെയും പരിസ്ഥിതിയെയും സംരക്ഷിച്ചുകൊണ്ടുള്ള ടൂറിസം വികസനമാണ് കേരളത്തിന് അഭികാമ്യം. ഈ ലക്ഷ്യങ്ങളെ മുന്‍നിര്‍ത്തിയാണ് സംസ്ഥാന സര്‍ക്കാര്‍ ഉത്തരവാദിത്ത ടൂറിസം മിഷന്‍ രൂപീകരിച്ചത്. (more…)

സാംസ്കാരിക പൈതൃകോത്സവം ഡെല്‍ഹി

Along with Sri. Arvind Kejriwal, the Chief Minister of Delhi, I inaugurate the cultural heritage fest that is being held under the joint auspices of both the Kerala and Delhi Governments. I am sure this will offer an occasion for Delhiites to get acquainted with the rich and varied cultural heritage of Kerala about which every Keralite is proud of.

I begin my speech in English as that is the only language with which I can communicate to our honoured guest of the function Sri. Arvind Kejriwal and other Delhi citizens here. After introducing Kerala in a few words to you all, I will switch over to Malayalam to communicate with the Malayali fraternity. However, propriety demands that I should begin my speech in English. If I fail to do so, it will be considered as a disregard or disrespect to our guests who cannot follow Malayalam. (more…)