Month: September 2017

രണ്ടാമത് എഞ്ചിനീയേഴ്‌സ് കോണ്‍ഗ്രസ് ഉദ്ഘാടനം ചെയ്തു

വേണ്ടത്ര മുന്നൊരുക്കങ്ങള്‍ നടത്താതെ പദ്ധതികള്‍ക്ക് തുടക്കം കുറിക്കുന്ന നടപടി തുടരരുതെന്ന് മുഖ്യമന്ത്രി പിണറായി വിജയന്‍ പറഞ്ഞു. പൊതുമരാമത്ത് വകുപ്പിന്റെ ആഭിമുഖ്യത്തില്‍ സംഘടിപ്പിച്ച രണ്ടാമത് എഞ്ചിനീയേഴ്‌സ് കോണ്‍ഗ്രസ് ഉദ്ഘാടനം ചെയ്തു സംസാരിക്കുകയായിരുന്നു മുഖ്യമന്ത്രി.

കേരളത്തിന്റെ പശ്ചാത്തല വികസനത്തില്‍ പ്രധാന പങ്കു വഹിക്കുന്ന വകുപ്പാണ് പൊതുമരാമത്ത് വകുപ്പ്. ദേശീയ പാത ഉള്‍പ്പെടെയുള്ള റോഡുകള്‍, പാലങ്ങള്‍, വിവിധ കെട്ടിടങ്ങള്‍ എന്നിവയുടെ നിര്‍മാണച്ചുമതലയുള്ള ഈ വകുപ്പിന്റെ ജീവ നാഡികള്‍ എഞ്ചിനീയര്‍മാരാണ്. വകുപ്പിന്റെ പ്രവര്‍ത്തനങ്ങളെ പ്രതികൂലമാക്കുന്ന പലഘടകങ്ങളുണ്ട്. (more…)

Letter to the Minister of External Affairs (Release of prisoners in UAE)

Dear Smt. Sushma Swaraj Ji,

As you are aware the ruler of Sharjah H.H. Dr. Sheikh Sultan Bin Mohamed Al Qasimi had visited Kerala between 24th and 26th of September 2017. Both Ministry of External Affairs and State Government have been receiving large number of representations from Indian citizens who have been sentenced to Jail in civil offences, especially in Middle East countries which have stringent legal frameworks. In this context, I had requested His Highness to consider their release as a humanitarian gesture. This request was immediately agreed to and 149 Indian prisoners were ordered to be released. (more…)

മുഖ്യമന്ത്രി ഗോളടിച്ചു, ഹര്‍ഷാരവത്തോടെ ഫുട്ബാള്‍ പ്രേമികള്‍ സ്വീകരിച്ചു

തിരുവനന്തപുരം സെന്‍ട്രല്‍ സ്‌റ്റേഡിയത്തില്‍ പ്രത്യേകം തയ്യാറാക്കിയ ഗോള്‍ പോസ്റ്റിലേക്ക് മുഖ്യമന്ത്രി പിണറായി വിജയന്‍ ശക്തിയായി പന്ത് അടിച്ചു. ”ഗോള്‍….” കണ്ടു നിന്നവര്‍ ഹര്‍ഷാരവത്തോടെയും കൈയടിയോടെയും മുഖ്യമന്ത്രിയുടെ ഗോളിനെ സ്വീകരിച്ചു. ഫിഫ അണ്ടര്‍ 17 ലോകകപ്പ് ഫുട്ബാളിന്റെ ഭാഗമായി കായിക വകുപ്പും സംസ്ഥാന സ്‌പോര്‍ട്‌സ് കൗണ്‍സിലും വിവിധ സംഘടനകളുടെ സഹകരണത്തോടെ സംഘടിപ്പിച്ച വണ്‍ മില്യണ്‍ ഫുട്ബാള്‍ പരിപാടി ഉദ്ഘാടനം ചെയ്യുകയായിരുന്നു മുഖ്യമന്ത്രി. മുഖ്യമന്ത്രി ഗോള്‍ അടിച്ചതോടെ സംസ്ഥാനത്തെല്ലായിടത്തും വണ്‍ മില്യണ്‍ ഗോള്‍ പരിപാടിക്ക് തുടക്കമായി. (more…)

ഗൗരിയമ്മ കേരളചരിത്രത്തില്‍ ചിരപ്രതിഷ്ഠ നേടിയ ജനനേതാവ്

കേരള സമൂഹത്തെ മാറ്റിമറിച്ച ഭൂപരിഷ്‌കരണ നിയമം അവതരിപ്പിച്ചതിലൂടെ കേരളചരിത്രത്തില്‍ ചിരപ്രതിഷ്ഠ നേടിയ വ്യക്തിയാണ് ഒന്നാം കേരള മന്ത്രിസഭയില്‍ റവന്യൂ മന്ത്രിയായിരുന്ന കെ.ആര്‍ ഗൗരിഅമ്മയെന്ന് മുഖ്യമന്ത്രി പിണറായി വിജയന്‍ പറഞ്ഞു. നിയമസഭാ വജ്രജൂബിലി ആഘോഷങ്ങളുടെ ഭാഗമായി പഴയ നിയമസഭാഹാളില്‍ ചേര്‍ന്ന മുന്‍ നിയമസഭാ സാമാജികരുടെ സുഹൃദ് സംഗമം ഉദ്ഘാടനം ചെയ്യുകയായിരുന്നു അദ്ദേഹം. കാര്‍ഷികമേഖലയില്‍ പിന്നീടുവന്ന എല്ലാ മാറ്റങ്ങള്‍ക്കും ആധാരശിലയായതാണ് ആ നിയമം. നിലപാടുകളില്‍ കാര്‍ക്കശ്യം പുലര്‍ത്തുമ്പോഴും സാധാരണക്കാര്‍ക്ക് നീതി ലഭിക്കാന്‍ വേണ്ടി ശബ്ദമുയര്‍ത്തിയ ഗൗരിയമ്മ ഏറ്റവും മികച്ച ജനപ്രതിനിധിയായി ഉയര്‍ത്തപ്പെട്ട ജനനേതാവാണെന്നും മുഖ്യമന്ത്രി പറഞ്ഞു. (more…)

മന്ത്രിസഭാ തീരുമാനങ്ങള്‍  27/09/2017

1. യു.എ.ഇ. കോണ്‍സുലേറ്റിന് 70 സെന്റ് സ്ഥലം
തിരുവനന്തപുരത്ത് പ്രവര്‍ത്തിക്കുന്ന യു.എ.ഇ. കോണ്‍സുലേറ്റിന് സ്വന്തം കെട്ടിടം നിര്‍മിക്കുന്നതിന് നഗരത്തിലെ പേരൂര്‍ക്കട വില്ലേജില്‍ 70 സെന്റ് സ്ഥലം 90 വര്‍ഷത്തേക്ക് പാട്ടത്തിന് നല്‍കാന്‍ മന്ത്രിസഭ തീരുമാനിച്ചു. കേന്ദ്രസര്‍ക്കാര്‍ യു.എ.ഇ എംബസിക്കും കോണ്‍സുലേറ്റിനും സ്ഥലം നല്‍കുന്ന വ്യവസ്ഥകള്‍ ഇതിന് ബാധകമായിരിക്കും.

2. ശമ്പള പരിഷ്കരണം

  • കെല്‍ട്രോണ്‍ കംപോണന്റ് കോംപ്ലക്സ് ലിമിറ്റഡ്, കെല്‍ട്രോണ്‍ ഇലക്റ്റ്രോ സെറാമിക്സ് ലിമിറ്റഡ് എന്നീ കമ്പനികളിലെ ജീവനക്കാരുടെ ശമ്പളം 2012 ഏപ്രില്‍ ഒന്നു മുതല്‍ പ്രാബല്യത്തോടെ പരിഷ്കരിക്കാന്‍ തീരുമാനിച്ചു.
  • മത്സ്യഫെഡ് ജീവനക്കാരുടെ ശമ്പളം പത്താം ശമ്പള പരിഷ്കരണ കമ്മീഷന്‍ ശുപാര്‍ശകളുടെ അടിസ്ഥാനത്തില്‍ പരിഷ്കരിക്കാന്‍ തീരുമാനിച്ചു.

(more…)

ഷാര്‍ജയുമായുള്ള ബന്ധം ശക്തിപ്പെടുത്തുന്ന ചരിത്ര മുഹൂര്‍ത്തമാണ് ഷേക്ക് സുല്‍ത്താന്റെ സന്ദര്‍ശനം

ഷാര്‍ജയുമായുള്ള ബന്ധം ശക്തിപ്പെടുത്തുന്ന ചരിത്ര മുഹൂര്‍ത്തമാണ് ഷാര്‍ജ ഭരണാധികാരിയും യു. എ. ഇ സുപ്രീം കൗണ്‍സില്‍ അംഗവുമായ ഷേക്ക് സുല്‍ത്താന്‍ ബിന്‍ മുഹമ്മദ് അല്‍ ഖാസിമിയുടെ കേരള സന്ദര്‍ശനമെന്ന് മുഖ്യമന്ത്രി പിണറായി വിജയന്‍ പറഞ്ഞു. ഷേക്ക് സുല്‍ത്താന് കാലിക്കറ്റ് യൂണിവേഴ്‌സിറ്റിയുടെ ഡീലിറ്റ് നല്‍കുന്ന ചടങ്ങില്‍ സംസാരിക്കുകയായിരുന്നു അദ്ദേഹം.

ഷേക്ക് സുല്‍ത്താന് ഡീലിറ്റ് ബിരുദം നല്‍കിയതിലൂടെ ഏറെ നാളത്തെ കടമാണ് വീട്ടിയിരിക്കുന്നതെന്ന് മുഖ്യമന്ത്രി പറഞ്ഞു. കേരളീയരെ സംബന്ധിച്ച് ഷാര്‍ജ ഭരണാധികാരി അചഞ്ചലമായ സൗഹൃദത്തിന്റെയും അതിരുകളില്ലാത്ത ആതിഥ്യത്തിന്റെയും പ്രതീകമാണ്. (more…)

കേരളീയ കലകളുടെ ചാരുത നുകര്‍ന്ന് ഷാര്‍ജ ഭരണാധികാരിക്ക് സല്‍ക്കാരം

കമനീയമായ കേരളീയകലകളുടെ ചാരുത ആസ്വദിച്ച് ഷാര്‍ജ ഭരണാധികാരി ഡോ. ഷെയ്ക് സുല്‍ത്താന്‍ ബിന്‍ മുഹമ്മദ് അല്‍ ഖാസിമിക്ക് മുഖ്യമന്ത്രി പിണറായി വിജയന്റെ സ്‌നേഹവിരുന്ന്.

കേരളത്തിന്റെ സാംസ്‌കാരികത്തനിമയും പാരമ്പര്യവും വിളിച്ചോതുന്ന കമനീയമായ നൃത്തരൂപങ്ങള്‍ കോര്‍ത്തിണക്കിയുള്ള ദൃശ്യവിരുന്നാണ് കോവളത്ത് ലീല റാവിസ് ഹോട്ടലില്‍ സുല്‍ത്താനായി ഒരുക്കിയത്.

കേരള കലാമണ്ഡലം ബിജുവും ബിജുലാലും ചേര്‍ന്ന് വേദിയിലെത്തിച്ച കഥകളിയോടെയാണ് രംഗവേദി മിഴിതുറന്നത്. തുടര്‍ന്ന് ഏഴുനര്‍ത്തകിമാരുടെ ഒരുമിച്ചൊരുക്കിയ മിഴിവില്‍ മോഹിനിയാട്ടച്ചുവടുകളും ദൃശ്യാനുഭവമായി. തുടര്‍ന്ന് ചിറകുവിരിച്ചാടുന്ന മയില്‍ രൂപവുമായി മയൂരനൃത്തമാണ് വേദിയിലെത്തിയത്. ടി.എം. പ്രേംനാഥായിരുന്നു കലാകാരന്‍.

കേരളനടനത്തിന്റെ സൗന്ദര്യമായിരുന്നു അടുത്തതായി വേദിക്ക് അലങ്കാരമായത്. കളരിപ്പയറ്റിന്റെ ചുവടുകളും അടവുകളും ആണ്‍, പെണ്‍ കലാകാരന്‍മാര്‍ മെയ്‌വഴക്കത്തോടെ അവതരിപ്പിച്ചത് സുല്‍ത്താന്‍ ഉള്‍പ്പെടെയുള്ള വിശിഷ്ടാതിഥികള്‍ക്ക് പുത്തന്‍ അനുഭവമായി.

പിന്നീട്, തിരുവാതിരക്കളി, ഒപ്പന, മാര്‍ഗംകളി എന്നിവയുടെ താളമായിരുന്നു. കേരളത്തിലെ മൈത്രീസന്ദേശം വിളിച്ചോതി തിരുവാതിരക്കളി, ഒപ്പന, മാര്‍ഗംകളി കലാകാരികള്‍ ഒരേസമയം ഒരേതാളത്തില്‍ ചുവടുവെച്ചത് വ്യത്യസ്തതയായി.

ഒടുവില്‍ എല്ലാ നൃത്തശില്‍പ്പങ്ങളും ഒരുമിച്ച് വേദിയിലെത്തിയാണ് കലാപരിപാടിക്ക് തിരശ്ശീല വീണത്. സുല്‍ത്താന്‍ ഉള്‍പ്പെടെയുള്ള ഷാര്‍ജാ സംഘം കരഘോഷത്തോടെയാണ് കലാപരിപാടികള്‍ സ്വീകരിച്ചത്.

റിഗാറ്റ കള്‍ചറല്‍ സൊസൈറ്റിയുടെ നേതൃത്വത്തിലാണ് മോഹിനിയാട്ടവും, മാര്‍ഗംകളിയും, ഒപ്പനയും, തിരുവാതിരക്കളിയും, കേരളനടനവും അവതരിപ്പിച്ചത്. വി.കെ.എം കളരിയാണ് കളരിപ്പയറ്റ് അവതരിപ്പിച്ചത്.

ഗിരിജാ ചന്ദ്രനാണ് നൃത്തശില്‍പ്പത്തിന്റെ നൃത്തസംവിധാനം നിര്‍വഹിച്ചത്. സംഗീതവും ആശയവും സംവിധാനവും മാത്യു ടി. ഇട്ടിയാണ്. പ്രഭാ വര്‍മ, ശ്രീരാജ് മേനോന്‍, രാജ്‌മോഹന്‍ കൂവളശ്ശേരി എന്നിവരാണ് ഗാനരചന.
കലാപരിപാടികള്‍ ആസ്വദിച്ചശേഷം തുടര്‍ന്ന് ഡോ. ഷെയ്ക് സുല്‍ത്താന്‍ ബിന്‍ മുഹമ്മദ് അല്‍ ഖാസിമിയും സംഘവും മുഖ്യമന്ത്രിക്കും മന്ത്രിമാര്‍ക്കും വിശിഷ്ടാതിഥികള്‍ക്കുമൊപ്പം വിരുന്നില്‍ പങ്കെടുത്തു.

മുഖ്യമന്ത്രി പിണറായി വിജയനുപുറമേ, സ്പീക്കര്‍ പി.ശ്രീരാമകൃഷ്ണന്‍, മന്ത്രിമാരായ ഇ.ചന്ദ്രശേഖരന്‍, ജി.സുധാകരന്‍, എ.സി മൊയ്തീന്‍, രാമചന്ദ്രന്‍ കടന്നപ്പള്ളി, കെ.കെ.ശൈലജ ടീച്ചര്‍, ജെ. മെഴ്‌സിക്കുട്ടിയമ്മ, കടകംപള്ളി സുരേന്ദ്രന്‍, പ്രൊഫ: സി. രവീന്ദ്രനാഥ്, വി.എസ്. സുനില്‍കുമാര്‍, ഡോ. കെ.ടി. ജലീല്‍, പ്രതിപക്ഷ നേതാവ് രമേശ് ചെന്നിത്തല, മുഖ്യമന്ത്രിയുടെ പത്‌നി കമല, യു.എ.ഇയിലെ ഇന്ത്യന്‍ അമ്പാസഡര്‍ നവ്ദീപ് സിംഗ് സൂരി, ഇന്ത്യയിലെ യു.എ.ഇ അമ്പാസഡര്‍ ഡോ. അഹമ്മദ് അല്‍ ബന്ന, തിരുവനന്തപുരത്തെ യു.എ.ഇ കോണ്‍സുല്‍ ജനറല്‍ ജമാല്‍ ഹുസൈന്‍ അല്‍ സാബി, ഷാര്‍ജ മീഡിയ കൗണ്‍സില്‍ ചെയര്‍മാന്‍ ഷേക് സുല്‍ത്താന്‍ ബിന്‍ അഹമ്മദ് അല്‍ ഖാസിമി, ഷാര്‍ജ ഭരണാധികാരി ഓഫീസ് ചെയര്‍മാന്‍ ഷേക് സലീം ബിന്‍ അബ്ദുല്‍ റഹ്മാന്‍ അല്‍ ഖാസിമി, ഗവ. റിലേഷന്‍സ് വകുപ്പ് ചെയര്‍മാന്‍ ഷേക് ഫഹീം ബിന്‍ സുല്‍ത്താന്‍ അല്‍ ഖാസിമി, കള്‍ചറല്‍ വകുപ്പ് ചെയര്‍മാന്‍ അബ്ദുല്ല ബിന്‍ മുഹമ്മദ് അല്‍ ഒവൈസ്, പ്രോട്ടോക്കോള്‍-ഹോസ്പിറ്റാലിറ്റി വകുപ്പ് ചെയര്‍മാന്‍ ഒബൈദ് സലീം അല്‍ സാബി, ഷാര്‍ജ മീഡിയ കോര്‍പറേഷന്‍ ഡയറക്ടര്‍ ജനറല്‍ മുഹമ്മദ് ഹുസൈന്‍ ഖലാഫ്, മീഡിയ കണ്ടിജന്റ് മാനേജ്മെന്റ് ഡയറക്ടര്‍ അഹമ്മദ് സലീം അല്‍ ബൈറാഖ്, ചീഫ് സെക്രട്ടറി ഡോ. കെ.എം.എബ്രഹാം, മുഖ്യമന്ത്രിയുടെ ചീഫ് പ്രിന്‍സിപ്പല്‍ സെക്രട്ടറി നളിനി നെറ്റോ, മുഖ്യമന്ത്രിയുടെ സെക്രട്ടറി വി.എസ്. സെന്തില്‍, ഓഫീസര്‍ ഓണ്‍ സ്‌പെഷ്യല്‍ ഡ്യൂട്ടി എം.ശിവശങ്കര്‍, മുഖ്യമന്ത്രിയുടെ മാധ്യമ ഉപദേഷ്ടാവ് ജോണ്‍ ബ്രിട്ടാസ്, പോലീസ് ഉപദേഷ്ടാവ് രമണ്‍ ശ്രീവാസ്തവ, ഡോ: എ. സമ്പത്ത് എം.പി, മേയര്‍ വി.കെ. പ്രശാന്ത്, ജില്ലാ പഞ്ചായത്ത് പ്രസിഡന്റ് വി.കെ. മധു, ഡി.ജി.പി ലോക് നാഥ് ബെഹ്‌റ, പൊതുഭരണ വകുപ്പ് സെക്രട്ടറി വിശ്വനാഥ് സിന്‍ഹ, ആസൂത്രണ ബോര്‍ഡ് ഉപാധ്യക്ഷന്‍ ഡോ: വി.കെ. രാമചന്ദ്രന്‍, മുഖ്യമന്ത്രിയുടെ ശാസ്ത്ര ഉപദേഷ്ടാവ് ഡോ. എം.സി. ദത്തന്‍, കാന്തപുരം എ.പി. അബൂബക്കര്‍ മുസലിയാര്‍, കര്‍ദിനാല്‍ ബസേലിയോസ് മാര്‍ ക്ലിമ്മിസ് ബാവ, ടി.കെ.എ നായര്‍, അടൂര്‍ ഗോപാലകൃഷ്ണന്‍, പി.ടി. കുഞ്ഞുമുഹമ്മദ്, ഗോകുലം ഗോപാലന്‍, ഗുരുരത്‌നം ജ്ഞാനതപസ്വി, ഷുഹൈബ് മൗലവി, എം.എ. യൂസഫലി, രവി പിള്ള, നിരവധി സാമൂഹിക, രാഷ്ട്രീയ, സാംസ്‌കാരിക പ്രമുഖര്‍ സംബന്ധിച്ചു.

ഷാര്‍ജ ഭരണാധികാരി ഷേക്ക് സുല്‍ത്താന്‍ ബിന്‍ മുഹമ്മദ് അല്‍ ഖാസിമിയ്ക്ക് രാജകീയ വരവേല്‍പ്പ്

ഷാര്‍ജ ഭരണാധികാരിയും യു.എ.ഇ സുപ്രീം കൗണ്‍സില്‍ അംഗവുമായ ഡോ. ഷേക്ക് സുല്‍ത്താന്‍ ബിന്‍ മുഹമ്മദ് അല്‍ ഖാസിമി കേരളത്തിലെത്തി. തലസ്ഥാനത്ത് പ്രത്യേക വിമാനത്തിലെത്തിയ അദ്ദേഹത്തിന് മുഖ്യമന്ത്രി പിണറായി വിജയന്റെ നേതൃത്വത്തില്‍ വിമാനത്താവളത്തില്‍ ഊഷ്മള സ്വീകരണമൊരുക്കി. മുഖ്യമന്ത്രിയുടെ പത്‌നി കമലയും മുഖ്യമന്ത്രിക്കൊപ്പമുണ്ടായിരുന്നു.

വൈകിട്ട് 3.15ന് എത്തിയ ഡോ. ഷേക്ക് സുല്‍ത്താന്‍ ബിന്‍ മുഹമ്മദ് അല്‍ ഖാസിമിയെ താലപ്പൊലിയോടും വാദ്യമേളങ്ങളോടും കൂടിയാണ് വരവേറ്റത്. വിമാനത്താവളത്തില്‍ അദ്ദേഹം പോലീസ് സംഘത്തിന്റെ ഗാര്‍ഡ് ഓഫ് ഓണറില്‍ അഭിവാദ്യം സ്വീകരിച്ചു. (more…)

ശബരിമലയിലെ മുഴുവന്‍ പ്രവൃത്തികളും ഒക്‌ടോബറില്‍ പൂര്‍ത്തിയാക്കണം

ശബരിമല മണ്ഡല മകരവിളക്ക് മഹോത്‌സവവുമായി ബന്ധപ്പെട്ട മുഴുവന്‍ പ്രവൃത്തികളും ഒക്‌ടോബറില്‍ പൂര്‍ത്തിയാക്കണമെന്ന് മുഖ്യമന്ത്രി പിണറായി വിജയന്‍ നിര്‍ദ്ദേശിച്ചു. ശബരിമല ഉത്‌സവത്തിന്റെ മുന്നൊരുക്കം വിലയിരുത്താന്‍ ഡര്‍ബാര്‍ ഹാളില്‍ നടന്ന യോഗത്തില്‍ അദ്ധ്യക്ഷത വഹിക്കുകയായിരുന്നു.

വിവിധ വകുപ്പുകള്‍ക്കും തദ്ദേശസ്വയംഭരണ സ്ഥാപനങ്ങള്‍ക്കും ആവശ്യമായ ഫണ്ട് ഒക്‌ടോബര്‍ 15നകം നല്‍കും. കഴിഞ്ഞ സീസണില്‍ ലഭിച്ചതില്‍ കൂടുതല്‍ തുക ആവശ്യമെങ്കില്‍ ബന്ധപ്പെട്ട വകുപ്പുകള്‍ ദേവസ്വം, ധന വകുപ്പ് സെക്രട്ടറിമാരെ വിവരം അറിയിക്കണമെന്ന് മുഖ്യമന്ത്രി പറഞ്ഞു. (more…)