കേരളത്തിന്റെ വൈദ്യുതി പ്രസരണശൃംഖല ശക്തിപ്പെടുത്തി ജനങ്ങള്‍ക്ക് 24 മണിക്കൂറും ഗുണനിലവാരമുളള വൈദ്യുതി ലഭ്യമാക്കുന്നതിനുളള ട്രാന്‍സ്ഗ്രിഡ് 2.0 പദ്ധതി 2020-ല്‍ പൂര്‍ത്തിയാക്കണമെന്ന് മുഖ്യമന്ത്രി പിണറായി വിജയന്‍ വൈദ്യുതി വകുപ്പിന് നിര്‍ദേശം നല്‍കി. ഉല്പാദന കേന്ദ്രങ്ങളില്‍നിന്ന് കേരളത്തിന്റെ എല്ലാ ഭാഗത്തേക്കും വൈദ്യുതി എത്തിക്കുന്ന 400 കെ.വി, 220 കെ.വി. ലൈനുകള്‍ ശക്തിപ്പെടുത്തുന്നതിനുളള പദ്ധതിയാണിത്. ഇതു പൂര്‍ത്തിയാകുമ്പോള്‍ വടക്കന്‍ കേരളത്തിലും പത്തനംതിട്ട ഉള്‍പ്പടെയുളള ജില്ലകളിലും ഇപ്പോള്‍ അനുഭവപ്പെടുന്ന വോള്‍ട്ടേജ് കുറവിന് പരിഹാരമാകും. 9715 കോടി രൂപ ചെലവുവരുന്ന പദ്ധതി രണ്ട് ഘട്ടമായാണ് നടപ്പാക്കുന്നത്. ആദ്യഘട്ടത്തില്‍ 5623 കോടി രൂപയും രണ്ടാംഘട്ടത്തില്‍ 4092 കോടി രൂപയുമാണ് ചെലവ്. (more…)
