Tag: scheduled caste scheduled tribe

ഇടമലക്കുടിയിലെ വികസനപ്രവര്‍ത്തനങ്ങൾ

കേരളത്തിലെ ഏക ഗോത്രവര്‍ഗ പഞ്ചായത്താണ് ഇടുക്കി ജില്ലയിലെ ഇടമലക്കുടി. മുതുവാന്‍ വിഭാഗത്തില്‍ പെട്ട ആദിവാസികളാണ് ഇടമലക്കുടിയില്‍ അധിവസിക്കുന്നത്. വികസനം ഇനിയും എത്തിച്ചേരാത്ത ഒരു പ്രദേശമാണ് ഇടമലക്കുടി. വൈദ്യുതിയോ ആധുനിക ആശയവിനിമയ സംവിധാനങ്ങളോ ഇല്ല. ഇതിനൊരു പ്രധാന കാരണം ഈ പ്രദേശത്തേക്ക് ഒരു റോഡ് ഇല്ലായെന്നതാണ്. ഇരുപത്തിയാറ് കുടികളിലായി ഏകദേശം 2400 പേര്‍ താമസിക്കുന്ന ഇടമലക്കുടി പഞ്ചായത്തിന്റെ സമഗ്രവികസനത്തിനായി സര്‍ക്കാര്‍ ചില കര്‍മപദ്ധതികള്‍ ആസൂത്രണം ചെയ്തിട്ടുണ്ട്.

ഔദ്യോഗികാവശ്യങ്ങള്‍ക്ക് വേണ്ടിപ്പോലും കിലോമീറ്ററുകള്‍ താണ്ടേണ്ട അവസ്ഥയാണ് ഇന്നും ഇടമലക്കുടി നിവാസികള്‍ക്കുള്ളത്. കിലോമീറ്ററുകള്‍ അകലെയുള്ള ഗ്രാമപഞ്ചായത്ത് ഓഫീസ് ഉടനേ തന്നെ ഇടമലക്കുടിയിലേക്ക് മാറ്റും. (more…)

പട്ടികജാതി-പട്ടികവര്‍ഗ പ്രാതിനിധ്യം

സര്‍ക്കാര്‍ വകുപ്പുകളിലെ പട്ടികജാതി, പട്ടികവര്‍ഗ പ്രാതിനിധ്യം സംബന്ധിച്ച് സമയബന്ധിതമായി വാര്‍ഷിക റിപ്പോര്‍ട്ടുകള്‍ സമര്‍പ്പിക്കാനും റിസര്‍വ് ചെയ്ത തസ്തികകളില്‍ നിയമന നടപടികള്‍ പൂര്‍ത്തിയാക്കാനും ഓരോ വകുപ്പിലും വകുപ്പധ്യക്ഷന് താഴെയുള്ള ഉദ്യോഗസ്ഥനെ നോഡല്‍ ഓഫീസറായി നിയമിക്കണമെന്ന് മുഖ്യമന്ത്രി പിണറായി വിജയന്‍ നിര്‍ദേശിച്ചു.

നോഡല്‍ ഓഫീസറെ നിയമിച്ച് ഒരാഴ്ചക്കകം പൊതു ഭരണവകുപ്പ് സെക്രട്ടറിയെ എല്ലാ വകുപ്പുകളും അറിയിക്കണമെന്നും അദ്ദേഹം അറിയിച്ചു. സര്‍ക്കാര്‍ സര്‍വീസില്‍ പട്ടികജാതി-പട്ടികവര്‍ഗ പ്രാതിനിധ്യം ഉറപ്പാക്കുന്നതു സംബന്ധിച്ച അവലോകന യോഗത്തില്‍ സംസാരിക്കുകയായിരുന്നു അദ്ദേഹം. ചില തസ്തികകളില്‍ യോഗ്യരായ പട്ടികവര്‍ഗക്കാരെ ലഭിക്കാന്‍ പ്രയാസം നേരിടുന്നതിനാല്‍ നിയമനം നടത്താനാവുന്നില്ല. ഇതുപരിഹരിക്കാന്‍ എന്തു നടപടി സ്വീകരിക്കാമെന്ന് പരിശോധന നടത്തി ഇടക്കാല റിപ്പോര്‍ട്ട് ഇതുമായി ബന്ധപ്പെട്ട ഉന്നതാധികാര സമിതി ഒരു മാസത്തിനുള്ളില്‍ സമര്‍പ്പിക്കണം. (more…)