Tag: Sree Narayana Brothers Sangram

മിശ്രഭോജനം – ശതാബ്ദി ആഘോഷം

ശ്രീനാരായണ സഹോദര സംഘത്തിന്‍റെ ആഭിമുഖ്യത്തില്‍ നടക്കുന്ന മിശ്രഭോജന ശതാബ്ദി ആഘോഷ പരിപാടികള്‍ സന്തോഷപൂര്‍വം ഞാന്‍ ഉദ്ഘാടനം ചെയ്യുന്നു.ജാതിയുടെ ഭീകരത സാമൂഹ്യ ജീവിതത്തിന്‍റെ സമസ്ത രംഗങ്ങളെയും ഗ്രസിച്ചുനിന്ന ഘട്ടത്തില്‍ അതിനെ നേരിട്ടു വെല്ലുവിളിച്ചുകൊണ്ട് സഹോദരനയ്യപ്പന്‍ 1917ല്‍ നടത്തിയ സാഹസികമായ ഒരു നീക്കത്തിന്‍റെ വാര്‍ഷികമാണിത്.

ജാതീയമായ ദുരാചാരങ്ങള്‍ക്കും അന്ധവിശ്വാസങ്ങള്‍ക്കും ഇതര ജീര്‍ണതകള്‍ക്കുമെതിരെ നൂറുവര്‍ഷങ്ങള്‍ക്കു മുമ്പുതന്നെ ശാസ്ത്രചിന്തയുടെ പിന്‍ബലത്തോടെ സഹോദരനയ്യപ്പനെ പോലുള്ളവര്‍ പൊരുതാനുണ്ടായി എന്നത് നമുക്ക് അഭിമാനകരമാണ്. എന്നാല്‍, മിശ്രഭോജനത്തിന്‍റെ നൂറാം വാര്‍ഷികഘട്ടത്തില്‍പ്പോലും ജാതിചിന്തയില്‍നിന്നും അനാചാരങ്ങളില്‍നിന്നും സമൂഹത്തെ നമുക്ക് പൂര്‍ണമായി വിടുവിച്ചെടുക്കാനാവുന്നില്ല എന്നത് നമുക്ക് അപമാനകരവുമാണ്. (more…)