Tag: IAS

നളിനി നെറ്റോ മാതൃകയാക്കാവുന്ന സിവില്‍ സര്‍വീസ് ഉദ്യോഗസ്ഥ

സിവില്‍ സര്‍വീസിലേക്ക് കടന്നു വരുന്നവര്‍ക്ക് മാതൃകയാക്കാവുന്ന ഗുണങ്ങളുള്ള ഉദ്യോഗസ്ഥയാണ് നളിനി നെറ്റോയെന്ന് മുഖ്യമന്ത്രി പിണറായി വിജയന്‍ അഭിപ്രായപ്പെട്ടു. സ്ഥാനമൊഴിയുന്ന ചീഫ് സെക്രട്ടറി നളിനി നെറ്റോയ്ക്ക് യാത്രയയപ്പ് നല്‍കി സെക്രട്ടേറിയറ്റ് ദര്‍ബാര്‍ ഹാളില്‍ നടന്ന ചടങ്ങ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. മുതിര്‍ന്ന ഐ.എ.എസ് ഉദ്യോഗസ്ഥര്‍ തങ്ങളുടെ പ്രവര്‍ത്തനത്തെപ്പറ്റി അവലോകനം നടത്തണം. എന്തൊക്കെ തിരുത്തണം, ചെയ്യേണ്ട രീതിയെങ്ങനെ തുടങ്ങിയ കാര്യങ്ങള്‍ സ്വയം വിലയിരുത്താനാകും. എന്നാല്‍, ഏതെല്ലാം ചുമതലകള്‍ വഹിച്ചിട്ടുണ്ടോ അവിടെയെല്ലാം നല്ല പേര് മാത്രമാണ് നളിനി നെറ്റോ നേടിയിട്ടുള്ളത്. അതിനാല്‍ത്തന്നെ പല സുപ്രധാന സ്ഥാനങ്ങളിലും അവര്‍ക്ക് ദീര്‍ഘകാലം സേവനമനുഷ്ഠിക്കാനായി. (more…)

ഭരണസിരാകേന്ദ്രത്തിന്റെ പ്രധാനികള്‍ സമരരൂപം സ്വീകരിക്കരുത്

സംസ്ഥാനത്ത് കൂട്ട അവധിയെടുത്തുള്ള ഒരു വിഭാഗം ഐഎഎസ് ഉദ്യോഗസ്ഥരുടെ സമരരൂപത്തെ അംഗീകരിക്കാനാവില്ലെന്ന് മുഖ്യമന്ത്രി പിണറായി വിജയന്‍. ഭരണസിരാകേന്ദ്രത്തിന്റെ പ്രധാനികള്‍തന്നെ സമരരൂപം സ്വീകരിക്കുന്നത് ഒരുതരത്തിലും ന്യായീകരിക്കാനാവില്ല. ഇക്കാര്യം തന്നെ കണ്ട് സംസാരിക്കാനെത്തിയ ഐ.എ.എസ്. ഉദ്യോഗസ്ഥരോട് വ്യക്തമാക്കിയിട്ടുണ്ട്. വിജിലന്‍സ് അന്വേഷണത്തില്‍ ഇടപെടാനോ സ്വാധീനിക്കാനോ സര്‍ക്കാര്‍ ശ്രമിക്കില്ല. അന്വേഷണം സ്വതന്ത്രവും നിഷ്പക്ഷവുമായി നടക്കണമെന്നാണ് സര്‍ക്കാര്‍ നിലപാടെന്നും മുഖ്യമന്ത്രി വ്യക്തമാക്കി. (more…)

മന്ത്രിസഭാ തീരുമാനങ്ങൾ 30/11/2016

1. നോട്ട് അസാധുവാക്കല്‍ നടപടിയെത്തുടര്‍ന്ന് വായ്പാ തുക തിരിച്ചടക്കാന്‍ കഴിയാത്ത സാഹചര്യം നിലനില്‍ക്കുന്നതിനാല്‍ സഹകരണ ബാങ്കുകള്‍ /സഹകരണ സംഘങ്ങള്‍ വഴി വിതരണം ചെയ്തിട്ടുള്ള വായ്പകളുടെ തിരിച്ചടവിന് 31.03.2017 വരെ മോറോട്ടോറിയം പ്രഖ്യാപിക്കാന്‍ മന്ത്രിസഭായോഗം തീരുമാനിച്ചു.

2. ലാസ്റ്റ് ഗ്രേഡ് സര്‍വ്വീസില്‍ ഉള്‍പ്പെട്ട തസ്തികകളുടെ യോഗ്യത പരിഷ്ക്കരിച്ചുകൊണ്ട് പുറപ്പെടുവിച്ച ഉത്തരവിന് 01.07.2011 മുതല്‍ മുന്‍കാല പ്രാബല്യം നല്‍കിയ നടപടി മന്ത്രിസഭായോഗം റദ്ദാക്കി. 04.06.2016 ന് ശേഷം പുറപ്പെടുവിക്കുന്ന വിജ്ഞാപനങ്ങള്‍ക്കുമാത്രമെ ഇനി ഭേദഗതി ബാധകമാവുകയുള്ളു.

3. സംരക്ഷിത അദ്ധ്യാപകരുടെ പുനര്‍വിന്യാസം, സ്കൂളുകളിലെ തസ്തിക നിര്‍ണ്ണയം എന്നീ വിഷയങ്ങളില്‍ കേരള വിദ്യാഭ്യാസ ചട്ടത്തില്‍ ഭേദഗതി വരുത്തും.

4. കണ്ണൂര്‍ ആയുര്‍വേദ മെഡിക്കല്‍ കോളേജില്‍ ഈ അധ്യയന വര്‍ഷം 20 സീറ്റുകള്‍ കൂടി വര്‍ദ്ധിപ്പിക്കും. (more…)