Tag: National Water Development

ജലകൃഷി വികസനം സെമിനാര്‍

കേരളാ അക്വാഫാര്‍മേഴ്സ് ഫെഡറേഷന്‍റെ നേതൃത്വത്തില്‍ നടത്തുന്ന ജലകൃഷി വികസനത്തെ സംബന്ധിച്ച ഈ സെമിനാറില്‍ പങ്കെടുക്കാനാകുന്നതില്‍ എനിക്ക് അതിയായ സന്തോഷമുണ്ട്. കണ്ണൂരില്‍ ജലകൃഷിയുമായി ബന്ധപ്പെട്ട് ഇങ്ങനെയൊരു ദേശീയ സെമിനാര്‍ സംഘടിപ്പിക്കാന്‍ മുന്‍കൈ എടുത്ത കേരള അക്വാ ഫാര്‍മേഴ്സ് ഫെഡറേഷനെ ആദ്യമായി അഭിനന്ദിക്കട്ടെ.

ലോകത്ത് ഏറ്റവും വേഗതയോടെ വളരുന്ന ഭക്ഷ്യ ഉത്പാദന മേഖലകളിലൊന്നാണ് ജലകൃഷി. 1980 മുതല്‍ പ്രതിവര്‍ഷം 8 ശതമാനത്തോളം വളര്‍ച്ചാനിരക്ക് കൈവരിക്കുന്ന മേഖലയാണിത്. ലോകത്ത് ഇന്ന് ഉത്പാദിപ്പിക്കപ്പെടുന്ന മത്സ്യത്തിന്‍റെ 48 ശതമാനത്തോളം ജലകൃഷിയില്‍ നിന്നുളളവയാണ്. ഉള്‍നാടന്‍ മത്സ്യോത്പാദനത്തില്‍ ലോകത്ത് ഒന്നാം സ്ഥാനം അലങ്കരിക്കുന്ന ചൈനയില്‍ ആകെ മത്സ്യഉത്പാദനത്തിന്‍റെ 72 ശതമാനത്തോളവും ജലകൃഷി മേഖലയുടെ സംഭാവനയാണ്. ഇന്ത്യയുടെ സ്ഥിതിയും ഭിന്നമല്ല. നമ്മുടെ രാജ്യത്തിന്‍റെ ആകെ മത്സ്യോത്പാദനത്തിന്‍റെ 52 ശതമാനത്തോളം മത്സ്യകൃഷിയില്‍ നിന്നുളളവയാണ്. (more…)