Tag: Neurology

മരുന്നുകളുടെ ഗുണനിലവാരപരിശോധന കര്‍ശനമാക്കണം

കാന്‍സര്‍ പോലുള്ള ഗുരുതര രോഗം ബാധിച്ച രോഗികള്‍ക്ക് ഗുണനിലവാരമുള്ള മരുന്നുകള്‍ തന്നെയാണ് ആശുപത്രികളില്‍ നിന്ന് ലഭിക്കുന്നത് എന്നതില്‍ കര്‍ശന പരിശോധന വേണമെന്ന് മുഖ്യമന്ത്രി പിണറായി വിജയന്‍ പറഞ്ഞു. രോഗീ സൗഹൃദ ആശുപത്രി സംരംഭം (ആര്‍ദ്രം മിഷന്‍) നടത്തിപ്പിന്റെ പുരോഗതി സംബന്ധിച്ച് ചര്‍ച്ച ചെയ്യാന്‍ മുഖ്യമന്ത്രിയുടെ കോണ്‍ഫറന്‍സ് ഹാളില്‍ ചേര്‍ന്ന ഉന്നതതല യോഗത്തില്‍ അധ്യക്ഷത വഹിച്ചു സംസാരിക്കുകയായിരുന്നു അദ്ദേഹം.

മെഡിക്കല്‍ കോളേജുകള്‍ ഉള്‍പ്പെടെയുള്ള സര്‍ക്കാര്‍ ആശുപത്രികള്‍ രോഗീ സൗഹൃദമാക്കുന്നതിനുള്ള നടപടികള്‍ പുരോഗമിക്കുകയാണെന്ന് ആരോഗ്യ-കുടുംബക്ഷേമ മന്ത്രി കെ.കെ. ശൈലജ അറിയിച്ചു. കണ്ണൂര്‍, കാസര്‍ഗോഡ്, വയനാട് ജില്ലകളില്‍ രണ്ടു വീതം ജില്ലാ, ജനറല്‍ ആശുപത്രികളടക്കം 17 ജില്ലാ ആശുപത്രികളുടെ നിലവാരം ഉയര്‍ത്തുന്നതിനും സൂപ്പര്‍ സ്‌പെഷ്യാലിറ്റി (more…)