Tag: parliament

Letter to the Prime Minister : Death of Sri. E. Ahamed MP

Dear Narendra Modiji,

I am writing this letter to bring to your kind attention the controversy which has evolved around the sad and sudden demise of Shri. E. Ahamed, the veteran parliamentarian from Kerala. Shri. E. Ahamed had collapsed in the Parliament and was taken directly to the Ram Manohar Lohia Hospital. However, the protocol of treatment provided therein and the manner in which his colleagues from the Parliament as well as his family members were dealt with by the hospital staff have raised serious concerns. Needless to say, the situation should have been handled in a humanitarian way. (more…)

വിവരാവകാശ സെമിനാര്‍

അറിയുവാനുളള അവകാശം സംരക്ഷിക്കാന്‍ ഇന്ത്യയിലുണ്ടായ സുപ്രധാനമായ നിയമനിര്‍മാണ നാഴികക്കല്ലാണ് 2005ലെ വിവരാവകാശ നിയമം. ഭരണതലത്തില്‍ ജനങ്ങള്‍ക്ക് ഫലപ്രദമായ ഒരു ഇടപെടലിനാണ് ഈ നിയമം അവസരമൊരുക്കിയത്. സര്‍ക്കാരിന്‍റെ പൊതുഅധികാര സ്ഥാനങ്ങളില്‍ സൂക്ഷിച്ചിരിക്കുന്ന എല്ലാ വിവരങ്ങളും ജനങ്ങളുമായി ബന്ധപ്പെട്ടതോ ജനങ്ങള്‍ക്ക് അവകാശപ്പെട്ടതോ ആയ വിവരങ്ങളാണ്. ഭരണകൂടം നിലനില്‍ക്കുന്നതും പ്രവര്‍ത്തിക്കുന്നതും ജനങ്ങളുടെ നികുതിപ്പണം കൊണ്ടാണ്. ജനങ്ങള്‍ നല്‍കിയ നികുതിപ്പണത്തിന്‍റെ വിനിയോഗത്തെ സംബന്ധിച്ച് ജനങ്ങള്‍ക്ക് അറിയാനുള്ള അവകാശമുണ്ട്. ഇന്നലെകളില്‍ വളരെ രഹസ്യമായി ചെയ്തിരുന്ന പല കാര്യങ്ങളും വെളിച്ചത്ത് കൊണ്ടുവരാനും അതുവഴി അഴിമതിക്കാരെ പൊതുജന മധ്യത്തില്‍ തുറന്നുകാട്ടാനും കുറ്റക്കാതെ ശിക്ഷിപ്പിക്കാനും ഈ നിയമത്തിലൂടെ ജനങ്ങള്‍ക്ക് കഴിഞ്ഞു. (more…)

വിവരാവകാശ നിയമം ദുരുപയോഗം ചെയ്യാന്‍ അനുവദിക്കരുത്

വിവരാവകാശ നിയമം സ്‌കൂള്‍ പാഠ്യപദ്ധതിയില്‍ ഉള്‍പ്പെടുത്തും വ്യക്തിപരമായ താത്പര്യങ്ങള്‍ക്കായി വിവരാവകാശ നിയമത്തെ ദുരുപയോഗം ചെയ്യുന്നവരെ തിരിച്ചറിയണമെന്ന് മുഖ്യമന്ത്രി പിണറായി വിജയന്‍. സംസ്ഥാന വിവരാവകാശ കമ്മീഷന്റെ ആഭിമുഖ്യത്തില്‍ വിവരാവകാശ നിയമം 2005 എന്ന വിഷയത്തെ ആസ്പദമാക്കി സംഘടിപ്പിച്ച ഏകദിന സെമിനാര്‍ ഉദ്ഘാടനം ചെയ്യുകയായിരുന്നു മുഖ്യമന്ത്രി.

രേഖകള്‍ ഇരുമ്പു മറയ്ക്കകത്ത് സൂക്ഷിക്കേണ്ട ആവശ്യമില്ല. പൊതുജീവിതത്തിലെ ശുദ്ധി നിലനിര്‍ത്തുന്നതിനാവശ്യമായ സുതാര്യത ഉറപ്പുവരുത്തുന്നതിന് ഈ നിയമം ആവശ്യമാണ്. എന്നാല്‍ വ്യക്തിപരമായി ഇത് ദുരുപയോഗം ചെയ്യുന്നത് തിരിച്ചറിയണം. ഇങ്ങനെ ദുരുപയോഗം നടക്കുന്നുണ്ട് എന്ന കാരണത്താല്‍ വിവരങ്ങള്‍ ആര്‍ക്കും നിഷേധിക്കാനും പാടില്ല. (more…)

എം.പിമാരുടെ യോഗം ചേര്‍ന്നു

സംസ്ഥാനത്തിന്റെ പൊതുവായ പ്രശ്‌നങ്ങളില്‍ സര്‍ക്കാരും എം.പിമാരും കൈക്കൊള്ളുന്ന യോജിച്ച നിലപാട് നല്ലനിലയ്ക്ക് തുടര്‍ന്നുപോകാനാകണമെന്ന് മുഖ്യമന്ത്രി പിണറായി വിജയന്‍ പറഞ്ഞു. പാര്‍ലമെന്റില്‍ ബജറ്റ് സമ്മേളനത്തിന് മുന്നോടിയായി സംസ്ഥാനത്തിന്റെ ആവശ്യങ്ങള്‍ ഉന്നയിക്കുന്നത് ചര്‍ച്ച ചെയ്യാന്‍ ചേര്‍ന്ന എം.പിമാരുടെ സമ്മേളനത്തില്‍ അധ്യക്ഷത വഹിച്ചു സംസാരിക്കുകയായിരുന്നു മുഖ്യമന്ത്രി.

വിവിധ ആവശ്യങ്ങള്‍ നേടിയെടുക്കാന്‍ കഴിഞ്ഞകാലങ്ങളില്‍ സഭയില്‍ ഉയര്‍ത്താന്‍ കഴിഞ്ഞ യോജിപ്പ് ഇനിയും തുടരണം. റേഷനുമായി ബന്ധപ്പെട്ട് ജനങ്ങള്‍ക്ക് നല്‍കാനുള്ള ഭക്ഷ്യധാന്യവിഹിതം ലഭിക്കുന്നില്ല. മുന്‍ഗണനാപട്ടിക വന്നപ്പോള്‍ പുറത്തായിപ്പോയവരുള്‍പ്പെടെയുണ്ട്. ഇക്കാര്യവും ഗൗരവമായി എടുക്കണം. നോട്ട് അസാധുവാക്കല്‍ ജനങ്ങള്‍ക്ക് ഏറെ പ്രയാസങ്ങളുണ്ടാക്കിയതായും സംസ്ഥാനത്തിന്റെ വരുമാനത്തില്‍ കുറവുണ്ടായതായും മുഖ്യമന്ത്രി എം.പിമാരുടെ ശ്രദ്ധയില്‍പ്പെടുത്തി. തുടര്‍ന്ന് വിവിധ വകുപ്പുകളുമായി ബന്ധപ്പെട്ട വിഷയങ്ങള്‍ മന്ത്രിമാരും സെക്രട്ടറിമാരും അജണ്ടപ്രകാരം എം.പിമാരുടെ ശ്രദ്ധയില്‍പ്പെടുത്തി ചര്‍ച്ച ചെയ്തു. (more…)

എം.പി. കോണ്‍ഫറൻസ്

പാർലമെന്റ് സമ്മേളനത്തിനു മുന്നോടിയായി കേരളത്തിൽ നിന്നുള്ള എം.പിമാരുടെ യോഗത്തിൽ ഇന്നലെ പങ്കെടുത്തു. എം. പിമാരുടെ അടിയന്തിരശ്രദ്ധ പതിയേണ്ട സംസ്ഥാനത്തിന്റെ ചില വിഷയങ്ങളെക്കുറിച്ച് അവരോട് സംസാരിച്ചു.

കേന്ദ്രസർക്കാർ സംസ്ഥാത്തിന് അരിവിഹിതം വെട്ടിക്കുറച്ചതിനെക്കുറിച്ച് മുൻപ് ഒരു പോസ്റ്റിൽ സൂചിപ്പിച്ചിരുന്നു. ഭക്ഷ്യസുരക്ഷാ നിയമം നടപ്പാക്കാൻ സർക്കാർ പ്രതിജ്ഞാബദ്ധമാണ്‌. അതിൽ വിട്ടുവീഴ്‌ചയില്ല. നടപടിക്രമങ്ങളിൽ അൽപം കാലതാമസം വന്നാൽ ഉടൻ അരി നിഷേധിക്കും എന്നു പറയുന്നതു നീതിയല്ല. സുഗന്ധവ്യഞ്‌ജനങ്ങൾ വിദേശനാണ്യം നേടിത്തരുമെന്നും അതുകൊണ്ട്‌ ഉല്‍പാദനമേഖലയിലെ ഊന്നൽ അതിലാകണമെന്നും അതുകൊണ്ട്‌ ഭക്ഷ്യധാന്യ രംഗത്തുണ്ടാവുന്ന കുറവ്‌ നികത്തിത്തന്നുക്കൊള്ളാമെന്നും പതിറ്റാണ്ടുകള്‍ക്കു മുമ്പ്‌ തന്നെ കേന്ദ്രം ഉറപ്പുനല്‍കിയിരുന്നു. അതു പ്രകാരമാണ്‌ കേരളം സുഗന്ധവ്യഞ്‌ജനങ്ങളിൽ കേന്ദ്രീകരിച്ചത്‌. അതുകൊണ്ട്‌ കേന്ദ്ര വിദേശനാണ്യ ഖജനാവ്‌ കനത്തു. (more…)

എം.പി കോണ്‍ഫറന്‍സ്

1. പാര്‍ലമെന്‍റ് സമ്മേളനങ്ങളുടെ മുന്നോടിയായി മാത്രമല്ല, മറിച്ച് സമ്മേളനം സമാപിക്കുന്നതിനു തൊട്ടുപിന്നാലെയും ഇത്തരം യോഗങ്ങള്‍ നടക്കേണ്ടതിന്‍റെ ആവശ്യകതയെക്കുറിച്ച് മുമ്പ് സൂചിപ്പിച്ചിരുന്നു. എന്നാല്‍, പലവിധ കാരണങ്ങള്‍കൊണ്ട് സെഷന്‍ കഴിഞ്ഞശേഷമുള്ള ഘട്ടത്തിലെ വിലയിരുത്തല്‍ യോഗം നടന്നിട്ടില്ല. അതുകൊണ്ടുതന്നെ, കഴിഞ്ഞ സമ്മേളനത്തിന്‍റെ വിലയിരുത്തലിനുശേഷം വരാന്‍പോകുന്ന സമ്മേളനത്തിലുന്നയിക്കേണ്ട കാര്യങ്ങളിലേക്കു കടക്കുന്നതാവും ഉചിതം എന്നു തോന്നുന്നു.

2. ഐക്യകേരളം രൂപം കൊണ്ടിട്ട് അറുപതുവര്‍ഷം തികയുന്നതിനു തൊട്ടുമുമ്പായാണ് നമ്മുടെ ഈ യോഗം നടക്കുന്നത്.
അതുകൊണ്ടുതന്നെ ഐക്യകേരളത്തിന്‍റെ പിറവിക്കുവേണ്ടി പൊരുതിയവരുടെ മനസ്സിലെ സ്വപ്നങ്ങള്‍ സാക്ഷാല്‍കരിക്കാന്‍ ഇനി ഏതൊക്കെ വഴിക്കു നീങ്ങണമെന്ന ആലോചന പ്രസക്തമാണെന്നു തോന്നുന്നു. (more…)