Tag: People Friendly Police

കേരളം ക്രമസമാധന രംഗത്ത് പുര്‍ണവിജയം

കേരളം ക്രമസമാധാന രംഗത്ത് മികച്ച സംസ്ഥാനമാണെന്ന് മുഖ്യമന്ത്രി പിണറായി വിജയന്‍ ഗവര്‍ണര്‍ പി. സദാശിവത്തിനയച്ച കത്തില്‍ ചൂണ്ടിക്കാട്ടി. സംസ്ഥാനത്ത് ക്രമസമാധാനത്തകര്‍ച്ചയാണെന്നും സ്ത്രീകള്‍ക്കും കുട്ടികള്‍ക്കുമെതിരെയും ബി.ജെ.പി.ക്കാര്‍ക്കെതിരെയുമുള്ള അക്രമങ്ങള്‍ കൂടിവരുന്നതായും കാണിച്ച് മഹാരാഷ്ട്രയിലെ ബി.ജെ.പി. എം.പി. പൂനം മഹാജന്‍ ഗവര്‍ണര്‍ക്ക് കത്തയച്ചിരുന്നു. ഇതിന്റെ കോപ്പിയുള്‍പ്പടെ ഗവര്‍ണര്‍ മുഖ്യമന്ത്രിക്ക് അയച്ച കത്തിന് മറുപടിയായാണ് മുഖ്യമന്ത്രി ഇക്കാര്യം അറിയിച്ചത്.

സര്‍ക്കാര്‍ അധികാരത്തില്‍ വന്നശേഷം 19 ആര്‍.എസ്.എസ്., ബി.ജെ.പി., എ.ബി.ബി.പി. പ്രവര്‍ത്തകര്‍ കൊല്ലപ്പെട്ടിട്ടുണ്ടെന്നും കുറ്റക്കാര്‍ക്കെതിരെ കാര്യമായ നടപടിയെടുത്തിട്ടില്ലെന്നും കത്തില്‍ ചൂണ്ടിക്കാട്ടിയിരുന്നു. 1300 ഓളം കേസുകള്‍ സ്ത്രീകള്‍ക്കും കുട്ടികള്‍ക്കുമെതിരെ ഈ കാലയളവില്‍ രജിസ്റ്റര്‍ ചെയ്തിട്ടുണ്ടെന്നും എം.പി. ഗവര്‍ണര്‍ക്കയച്ച കത്തില്‍ പറഞ്ഞിട്ടുണ്ട്. (more…)

ജനമൈത്രി പൊലീസ്

കേരള പോലീസ് 267 സ്റ്റേഷനുകളില് നൈടപ്പാക്കിവരുന്ന ജനമൈത്രി സുരക്ഷാ പദ്ധതി എല്ലാ സ്റ്റേഷനുകളിലേക്കും വ്യാപിപ്പിക്കുന്നതുമായി ബന്ധപ്പെട്ട സമ്മേളനമാണ് ഇവിടെ നടക്കുന്നത്. എല്ലാവരുടെയും അനുവാദത്തോടെ ഈ സമ്മേളനം ഞാന് ഉദ്ഘാടനം ചെയ്യുന്നു. ജനമൈത്രി സുരക്ഷാ പദ്ധതി സംസ്ഥാനത്തെ എല്ലാ പോലീസ്സ്റ്റേ ഷനുകളിലും നിലവില് വന്നതായി സന്തോഷപൂര്വം പ്രഖ്യാപിക്കുന്നു.

ജസ്റ്റിസ് കെ.ടി.തോമസ് കമ്മീഷന്റെ ശുപാര്ശപ്രകാരം 2008ല് അന്നത്തെ ഇടതുപക്ഷജനാധിപത്യമുന്നണി സര്ക്കാരാണ് പരീക്ഷണാടിസ്ഥാനത്തില് 20 പോലീസ് സ്റ്റേഷനുകളില് ഈ പദ്ധതി ആരംഭിച്ചത്. തുടര്ന്ന് പല ഘട്ടങ്ങളിലായി 267 പോലീസ് സ്റ്റേഷനുകളില് ഈ പദ്ധതി വ്യാപിപ്പിച്ചു. ഇക്കാലയളവിനുള്ളില് കേരള പോലീസിന്റെ അഭിമാനപദ്ധതികളിലൊന്നായി രാജ്യത്തിന്റെയാകെ ശ്രദ്ധപിടിച്ചുപറ്റാന് ജനമൈത്രീ പദ്ധതിക്കായിട്ടുണ്ട്. അതിനുപിന്നില് പ്രവര്ത്തിച്ച പോലീസ് സേനയിലെ മുഴുവന് ഉദ്യോഗസ്ഥരെയും ഈ അവസരത്തില് അഭിനന്ദനമറിയിക്കുകയാണ്. (more…)

ജനമൈത്രി സുരക്ഷാ പദ്ധതിക്ക് തുടക്കമായി

തെറ്റായ പ്രവണതകള്‍ തുടച്ചുനീക്കി പുതിയ സംസ്‌കാരത്തിന്റെ ഭാഗമാകാന്‍ പോലീസ് തയാറാകണമെന്ന് മുഖ്യമന്ത്രി പിണറായി വിജയന്‍ പറഞ്ഞു. കുറ്റവാളികളോടല്ല, ജനങ്ങളോടാകണം പോലീസിന്റെ മൈത്രി. കേരളത്തിലെ എല്ലാ പോലീസ് സ്‌റ്റേഷനുകളും ജനമൈത്രി സുരക്ഷാ പദ്ധതി നടപ്പാക്കുന്നതിന്റെ ഉദ്ഘാടനം നിശാഗന്ധി ഓഡിറ്റോറിയത്തില്‍ നിര്‍വഹിച്ചുസംസാരിക്കുകയായിരുന്നു അദ്ദേഹം.

ബീറ്റിനുപോകുന്ന പോലീസുകാര്‍ മാത്രമല്ല, എല്ലാതലത്തിലുള്ള ഉദ്യോഗസ്ഥര്‍ക്കും ജനമൈത്രീ സംസ്‌കാരം ഉള്‍ക്കൊള്ളണം. ഇതിനായി അടിസ്ഥാന സ്വഭാവത്തില്‍ മാറ്റം വരണം. (more…)

പോലീസ് പൂര്‍ണമായും ജനസൗഹൃദമാകണം

സംസ്ഥാനത്ത് ക്രമസമാധാനം ഉറപ്പു വരുത്തുന്നതിലും ജന സൗഹൃദ പോലീസ് സേവനം സാര്‍വത്രികമാക്കുന്നതിലും പോലീസ് സേന കൂടുതല്‍ കാര്യക്ഷമതയോടെ പ്രവര്‍ത്തിക്കണമെന്ന് മുഖ്യമന്ത്രി പിണറായി വിജയന്‍ പറഞ്ഞു. പോലീസ് സേനയില്‍ നടപ്പിലാക്കുന്ന ഡിജിറ്റല്‍ പദ്ധതികളുടെ ഉദ്ഘാടനം നിര്‍വഹിക്കുകയായിരുന്നു അദ്ദേഹം.

വിവരസാങ്കേതികരംഗത്ത് വന്‍ കുതിച്ചു ചാട്ടങ്ങള്‍ ഉപയോഗപ്പെടുത്തി സേനയുടെ കാര്യക്ഷമത വര്‍ധിപ്പിക്കാനും പോലീസിനെ കായികമായി നവീകരിക്കാനും സര്‍ക്കാര്‍ എല്ലാ പശ്ചാത്തല സൗകര്യങ്ങളും നല്‍കും. പോലീസ് പൂര്‍ണമായും ജന സൗഹൃദ ശൈലിയിലേക്ക് മാറണം. (more…)