Tag: save water resources

നദീപുനരുജ്ജീവനം : ജനകീയ കൂട്ടായ്മകള്‍ മാതൃകാപരം

ജില്ലയില്‍ നദികളുടെ പുനരുജ്ജീവനത്തിനായി രൂപം കൊണ്ടിട്ടുള്ള ജനകീയ കൂട്ടായ്മകള്‍ മാതൃകാപരവും അഭിനന്ദനാര്‍ഹവുമായ പ്രവര്‍ത്തനങ്ങളാണ് നടത്തിവരുന്നതെന്ന് മുഖ്യമന്ത്രി പിണറായി വിജയന്‍ പറഞ്ഞു. തിരുവല്ല ആലംതുരുത്തി പാലത്തിനു സമീപം ജനകീയ കൂട്ടായ്മയില്‍ നടന്നുവരുന്ന കോലറയാര്‍ പുനരുജ്ജീവന പ്രവര്‍ത്തനങ്ങള്‍ നേരിട്ട് വിലയിരുത്തിയശേഷം സംസാരിക്കുകയായിരുന്നു മുഖ്യമന്ത്രി.

സംസ്ഥാന സര്‍ക്കാര്‍ ഹരിതകേരളം മിഷന്‍ നടപ്പാക്കിയത് പ്രധാനമായും മൂന്ന് ലക്ഷ്യങ്ങള്‍ നേടുന്നതിനാണ്. ശുചീകരണം, ജലസംരക്ഷണ പ്രവര്‍ത്തനങ്ങള്‍, ജൈവകൃഷി പ്രോത്സാഹനം എന്നിവയാണ് പദ്ധതിയിലൂടെ പ്രധാനമായും ലക്ഷ്യമിട്ടത്. നാടിന്റെ ഹരിതാഭ വീണ്ടെടുക്കുന്നതിന് ജനകീയ കൂട്ടായ്മകളിലൂടെയുള്ള പ്രവര്‍ത്തനങ്ങളാണ് പദ്ധതിയുടെ ഏറ്റവും വലിയ പ്രത്യേകത. (more…)

വരട്ടാര്‍

ഏറെ സന്തോഷത്തോടെയാണ് വരട്ടാറിന്‍റെ തീരത്തെ ഈ യോഗത്തില്‍ പങ്കെടുക്കുന്നത്. 20 വര്‍ഷത്തോളമായി ഒഴുകാതെ കിടന്ന ആദിപമ്പയേയും വരട്ടാറിനെയും പുനരുജ്ജീവിപ്പിച്ച് നാടിനു സമര്‍പ്പിക്കുന്നതിന്‍റെ രണ്ടാംഘട്ട പ്രവര്‍ത്തനങ്ങള്‍ക്കാണല്ലോ ഇന്നിവിടെ തുടക്കമാകുന്നത്. ഈ നദിയുടെ ജീവന്‍ വീണ്ടെടുക്കുന്നതിനായി അണിചേര്‍ന്ന ഏവരേയും ആദ്യംതന്നെ ഞാന്‍ അഭിനന്ദിക്കുകയാണ്.

വര്‍ഷങ്ങള്‍ക്കുമുമ്പ് കുതിച്ചൊഴുകിയ ഒരു നദിയായിരുന്നല്ലോ ഇത്. മണിമലയാറിന്‍റെ തീരത്തേയും പമ്പയാറിന്‍റെ തീരത്തേയും സംയോജിപ്പിക്കുന്ന നദി എന്നായിരുന്നു ഇതിനെ പൊതുവെ വിശേഷിപ്പിച്ചിരുന്നത്. മണിമലയാറില്‍ ജലനിരപ്പുയരുമ്പോള്‍ വരട്ടാര്‍ തെക്കോട്ട് പമ്പയിലേക്ക് ഒഴുകും. പമ്പയില്‍ ജലനിരപ്പുയരുമ്പോള്‍ വടക്ക് മണിമലയാറിലേക്ക് ഒഴുകും. ഇത്ര സമൃദ്ധമായി ഒഴുകിയിരുന്ന വരട്ടാര്‍ എങ്ങിനെയാണ് വറ്റിവരണ്ടത്? വീണ്ടെടുക്കലിന്‍റെ ഈ അവസരത്തില്‍ തന്നെ അതൊന്ന് ഓര്‍ക്കുന്നത് നന്നായിരിക്കും. (more…)

ഭക്ഷ്യവിഹിതം പുനഃസ്ഥാപിക്കാന്‍ സര്‍വകക്ഷി സംഘം കേന്ദ്രത്തെ സമീപിക്കും

വരള്‍ച്ച നേരിടാന്‍ ദേശീയ ദുരന്ത പ്രതികരണനിധിയില്‍ നിന്ന് 991.54 കോടി അധികസഹായം തേടും

ഭക്ഷ്യഭദ്രതാ നിയമം നടപ്പാക്കുന്നതിന് മുമ്പ് സംസ്ഥാനത്തിന് ലഭിച്ചിരുന്ന അരിവിഹിതം പുനഃസ്ഥാപിക്കണമെന്ന് ആവശ്യപ്പെട്ട് കേരളത്തില്‍ നിന്നുള്ള സര്‍വകക്ഷിസംഘം കേന്ദ്രസര്‍ക്കാരിനെ സമീപിക്കുമെന്ന് മുഖ്യമന്ത്രി പിണറായി വിജയന്‍ അറിയിച്ചു. സര്‍വകക്ഷി യോഗത്തിനുശേഷം വാര്‍ത്താസമ്മേളനത്തിലാണ് അദ്ദേഹം ഇക്കാര്യം അറിയിച്ചത്.

നിയമം നടപ്പാക്കുംമുമ്പ് കേരളത്തിന് ലഭിച്ചിരുന്ന അരിവിഹിതത്തില്‍ രണ്ടുലക്ഷത്തോളം മെട്രിക് ടണ്‍ കുറവുണ്ട്. നേരത്തെ 16 ലക്ഷം മെട്രിക് ടണ്‍ അരി ലഭിച്ചിരുന്നിടത്ത് ഇപ്പോള്‍ 14.2 മെട്രിക് ടണ്‍ അരിയാണ് നല്‍കുന്നത്. ലഭിച്ചുകൊണ്ടിരുന്ന അരിവിഹിതം തുടരണമെന്നാണ് സര്‍വകക്ഷി യോഗത്തില്‍ പൊതുഅഭിപ്രായമുയര്‍ന്നത്. (more…)

ഹരിതകേരളം സംസ്ഥാനതല ശില്പശാല സമാപന സമ്മേളനം

ജനകീയ വികസന സംസ്‌കാരത്തിന്റെ പുത്തന്‍ അനുഭവമായി ഹരിതകേരളം പ്രവര്‍ത്തനങ്ങള്‍ മാറിയെന്ന് മുഖ്യമന്ത്രി പിണറായി വിജയന്‍ പറഞ്ഞു. ഡിസംബര്‍ എട്ടിന് പദ്ധതിക്ക് തുടക്കമിട്ട ദിവസം സംസ്ഥാനമൊട്ടുക്ക് പതിനയ്യായിരത്തോളം പ്രവര്‍ത്തനങ്ങളാണ് നടന്നത്. സര്‍ക്കാര്‍ വകുപ്പുകളും തദ്ദേശ സ്വയംഭരണ സ്ഥാപനങ്ങളും വിദ്യാലയങ്ങളും സന്നദ്ധ സംഘടനകളും പൊതു ജനങ്ങളുമെല്ലാം ഇത് ഒരു ഉത്തരവാദിത്ത്വമായി ഏറ്റെടുക്കുകയായിരുന്നുവെന്നും മുഖ്യമന്ത്രി പറഞ്ഞു. ഹരിതകേരളം മിഷന്‍ സംഘടിപ്പിച്ച സംസ്ഥാനതല ശില്പശാലയുടെ സമാപന സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. (more…)