Tag: Sports

മന്ത്രിസഭാ തീരുമാനങ്ങള്‍   06/12/2017

1. മദ്യം ഉപയോഗിക്കാനുളള പ്രായപരിധി ഉയര്‍ത്തുന്നു
മദ്യം ഉപയോഗിക്കാനുളള പ്രായപരിധി 21ല്‍ നിന്ന് 23 വയസ്സായി ഉയര്‍ത്താന്‍ അബ്കാരി നിയമത്തില്‍ ഭേദഗതി വരുത്തുന്നതിന് ഓര്‍ഡിനന്‍സ് പുറപ്പെടുവിക്കുന്നതിന് ഗവര്‍ണറോട് ശുപാര്‍ശ ചെയ്യാന്‍ തീരുമാനിച്ചു.

2. വനിതാ കമ്മീഷന് കൂടുതല്‍ അധികാരം നല്‍കുന്നു
പരാതികള്‍ തീര്‍പ്പാക്കുന്നതിന്റെ ഭാഗമായി മൊഴിയെടുക്കുന്നതിന് ഏതു വ്യക്തിയെയും വിളിച്ചു വരുത്താന്‍ വനിതാ കമ്മീഷന് അധികാരം നല്‍കുന്ന രീതിയില്‍ ബന്ധപ്പെട്ട നിയമം ഭേദഗതി ചെയ്യാന്‍ തീരുമാനിച്ചു. ഇത് സംബന്ധിച്ച കരട് ബില്ലിന് മന്ത്രിസഭ അംഗീകാരം നല്‍കി. നിലവിലുളള കേരള വനിതാ കമ്മീഷന്‍ നിയമപ്രകാരം സാക്ഷിയെ വിളിച്ചു വരുത്താനും സാക്ഷിയുടെ സാന്നിധ്യം ഉറപ്പാക്കാനുമുളള അധികാരം മാത്രമേ കമ്മീഷനുളളൂ. (more…)

മന്ത്രിസഭാ തീരുമാനങ്ങള്‍   29/11/2017

1.സാങ്കേതികസര്‍വകലാശാലാ നിയമത്തില്‍ ഭേദഗതി
എ.പി.ജെ അബ്ദുള്‍ കലാം സാങ്കേതിക സര്‍വകലാശാലയുടെ ജനാധിപത്യവല്‍ക്കരണം ലക്ഷ്യമിട്ട് സര്‍വകലാശാലാ നിയമം ഭേദഗതി ചെയ്യാന്‍ ഓര്‍ഡിനന്‍സ് പുറപ്പെടുവിക്കുന്നതിന് ഗവര്‍ണറോട് ശുപാര്‍ശ ചെയ്യാന്‍ മന്ത്രിസഭ തീരുമാനിച്ചു. ഭേദഗതി അനുസരിച്ച് സെനറ്റില്‍ വിദ്യാര്‍ത്ഥി പ്രതിനിധികളും അധ്യാപകരുടെയും ജീവനക്കാരുടെയും പ്രതിനിധികളും ഉണ്ടാകും. സെനറ്റിലെ ആറ് വിദ്യാര്‍ത്ഥി പ്രതിനിധികളില്‍ ഒരാള്‍ വനിതയും ഒരാള്‍ പട്ടികജാതി-പട്ടികവര്‍ഗ വിഭാഗത്തില്‍ നിന്നുളള വിദ്യാര്‍ത്ഥിയുമായിരിക്കും.

ഓര്‍ഡിനന്‍സ് നിയമമാകുമ്പോള്‍ മറ്റ് സര്‍വകലാശാലകളിലെപോലെ ബോര്‍ഡ് ഓഫ് സ്റ്റഡീസ്, ഫിനാന്‍സ് കമ്മിറ്റി, പ്ലാനിംഗ് കമ്മിറ്റി, വിദ്യാര്‍ത്ഥി കൗണ്‍സില്‍ എന്നിവ രൂപീകൃതമാകും. നിലവിലുളള നിര്‍വാഹക സമിതിക്കു പകരം ഇനി സിന്‍ഡിക്കേറ്റായിരിക്കും. സിന്‍ഡിക്കേറ്റില്‍ വിദ്യാര്‍ത്ഥി പ്രതിനിധിക്ക് പ്രാതിനിധ്യമുണ്ടാകും. (more…)

മന്ത്രിസഭാ തീരുമാനങ്ങള്‍   22/11/2017

1. കൊല്ലം പാരിപ്പളളി സര്‍ക്കാര്‍ മെഡിക്കല്‍ കോളേജില്‍ 83 തസ്തികകള്‍ സൃഷ്ടിക്കാന്‍ തീരുമാനിച്ചു.

2. കൊച്ചി ഇന്‍ഫോപാര്‍ക്കിന്റെ കൈവശമുളള മൂന്ന് ഏക്കര്‍ ഭൂമി സൗജന്യനിരക്കില്‍ ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് മാനേജ്മെന്റ് കോഴിക്കോടിന് (ഐഐഎംകെ) പാട്ടത്തിന് നല്‍കാന്‍ തീരുമാനിച്ചു. ഐഐഎംകെക്ക് സാറ്റലൈറ്റ് ക്യാമ്പസ് സജ്ജമാക്കുന്നതിനാണ് സ്ഥലം നല്‍കുന്നത്.

3. തീരദേശസേന പൊലീസ് അഡീഷണല്‍ ഡയറക്റ്റര്‍ ജനറല്‍ ഓഫീസിലേക്ക് ആറ് സ്ഥിരം തസ്തികകളും ഒരു കാഷ്വല്‍ സ്വീപ്പര്‍ തസ്തികയും അനുവദിക്കാന്‍ തീരുമാനിച്ചു.

4. എയര്‍ എന്‍ക്ലേവ് നിര്‍മ്മിക്കുന്നതിന് കോസ്റ്റ് ഗാര്‍ഡിന് അങ്കമാലി വില്ലേജില്‍ 29 ആര്‍ ഭൂമി കമ്പോള വില ഈടാക്കി നല്‍കാന്‍ തീരുമാനിച്ചു. (more…)

ആരോഗ്യമുള്ള ശരീരവും മനസും സൃഷ്ടിക്കാന്‍ യോഗ പ്രോത്‌സാഹിപ്പിക്കപ്പെടണം

മികച്ച വ്യായാമമുറ എന്നതിനപ്പുറം ആരോഗ്യമുള്ള മനസും സൃഷ്ടിക്കാന്‍ സാധിക്കുമെന്നതിനാല്‍ യോഗ പ്രോത്‌സാഹിപ്പിക്കപ്പെടേണ്ടതാണെന്ന് മുഖ്യമന്ത്രി പിണറായി വിജയന്‍ പറഞ്ഞു. യോഗ ദിനാചരണത്തിന്റെ ഭാഗമായി ജിമ്മി ജോര്‍ജ് ഇന്‍ഡോര്‍ സ്‌റ്റേഡിയത്തില്‍ നടന്ന ചടങ്ങ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

ആരോഗ്യമുള്ള ശരീരവും മനസും രൂപപ്പെടുത്താന്‍ സഹായിക്കുമെന്നതിനാലാണ് സ്‌കൂള്‍തലം മുതല്‍ യോഗ പ്രചരിപ്പിക്കുന്നതിനുള്ള നടപടികള്‍ സര്‍ക്കാര്‍ സ്വീകരിക്കുന്നത്. സ്‌കൂള്‍കുട്ടികള്‍ യോഗ പരിശീലിച്ചാല്‍ ഭാവിയില്‍ അവര്‍ക്കത് നന്നായി ഉപയോഗപ്പെടും. യോഗാഭ്യാസത്തോടൊപ്പം ജീവിതചര്യയും കൃത്യതയോടെ പാലിക്കാനാകണം. ജീവിതശൈലി രോഗങ്ങള്‍ വര്‍ധിക്കുന്നതിന് തെറ്റായ ഭക്ഷണരീതിയും ഒരുതരം വ്യായാമവുമില്ലാത്തതും കാരണമാകുന്നുണ്ട്. (more…)

Kerala, Scaling New Heights in Healthcare

Rarely we see a government sticking close to its manifesto and trying to implement almost all aspects of it within one year of its coming. The people friendly health policy laid down by first Kerala government under EMS has made significant contributions to the Kerala Model of Development, cutting down the mortality and morbidity rates of the population considerably. The trajectory set 60 years ago helped us achieving the health indices as high as those of the rich countries despite the low economic growth of India in general and Kerala in particular.

The LDF manifesto 2016 has broadly laid down the current government’s roadmap to governance. In the healthcare sector the 35 point pre-election manifesto the 21st and 22nd point is directly linked to healthcare. It talks about the need to review the staff pattern and double the number of doctors and nurses. Suggestions to efficiently use existing healthcare infra structure and building new ones to fill the gaps. Manifesto promised to bring facilities for Heart surgery and cath lab to the level of Taluk hospital and cancer check up facility at Taluk hospitals. On this first anniversary let us take a stock of what we had happened so far. (more…)

സംസ്ഥാനത്ത് സമ്പൂര്‍ണ കായിക നയം നടപ്പിലാക്കും

ലോക നിലവാരമുള്ള കായികതാരങ്ങളെ സൃഷ്ടിച്ചെടുക്കാന്‍ സമ്പൂര്‍ണവും പ്രസക്തവുമായ ഒരു കായികനയം സര്‍ക്കാര്‍ രൂപപ്പെടുത്തിക്കൊണ്ടിരിക്കുകയാണെന്ന് മുഖ്യമന്ത്രി പിണറായി വിജയന്‍ പറഞ്ഞു. മുഴുവന്‍ ജനങ്ങളെയും ഭാഗഭാക്കാക്കുന്ന മികച്ച കായിക സംസ്‌കാരം രൂപപ്പെടുത്തിയെടുക്കാനുള്ള കര്‍മപരിപാടികള്‍ ആവിഷ്‌കരിക്കാനാണ് സര്‍ക്കാര്‍ ആലോചിക്കുന്നതെന്നും മുഖ്യമന്ത്രി പറഞ്ഞു. കായികരംഗത്ത് മികച്ച നേട്ടങ്ങള്‍ കൈവരിച്ചവര്‍ക്ക് സ്‌പോര്‍ട്‌സ് കൗണ്‍സില്‍ നല്‍കുന്ന അവാര്‍ഡുകള്‍ വിതരണം ചെയ്തു സംസാരിക്കുകയായിരുന്നു മുഖ്യമന്ത്രി.

കേരളത്തിലെ കായികമേഖലയുടെ ഐകരൂപ്യമായ വളര്‍ച്ചയ്ക്ക് അടിത്തറയിട്ട മഹാനാണ് സ്‌പോര്‍ട്‌സ് കൗണ്‍സിലിന്റെ സ്ഥാപക പ്രസിഡന്റ്‌കേണല്‍ ഗോദവര്‍മരാജയെന്ന് മുഖ്യമന്ത്രി പറഞ്ഞു. കായികരംഗത്തിന്റെ വളര്‍ച്ചയില്‍ കായിക സംഘാടനം ഒഴിച്ചുകൂടാനവാത്തതാണെന്ന് വിശ്വസിച്ച ക്രാന്തദര്‍ശിയാണ് അദ്ദേഹം. ശെശവദശയില്‍ത്തന്നെ കേരളം ഇന്ത്യയിലെ കായികരംഗത്ത് നിര്‍ണായക ശക്തിയായതിനു പിന്നില്‍ പ്രവര്‍ത്തിച്ചത് അദ്ദേഹത്തിന്റെ ധിഷണയാണ്. സ്‌പോര്‍ട്‌സിനെ സാധാരണ ജനങ്ങളിലെത്തിക്കാന്‍ വിവിധ പരിപാടികള്‍ക്ക് അദ്ദേഹമാണ് തുടക്കമിട്ടത്. (more…)

ഫെഡറേഷന്‍ കപ്പ് യോഗ ദേശീയ ചാമ്പ്യന്‍ഷിപ്പ് ഉദ്ഘാടനം ചെയ്തു

എല്ലാതരത്തിലും സമ്പൂര്‍ണമായ വ്യായാമമുറയാണ് യോഗയെന്ന് മുഖ്യമന്ത്രി പിണറായി വിജയന്‍ പറഞ്ഞു. ലോകം സ്വീകരിച്ച യോഗയ്ക്ക് ജാതി, മത വ്യത്യാസമൊന്നുമില്ലെന്നും അദ്ദേഹം ചൂണ്ടിക്കാട്ടി. യോഗ അസോസ്സിയേഷന്‍ ഓഫ് കേരള, യോഗ ഫെഡറേഷന്‍ ഓഫ് ഇന്ത്യ, സംസ്ഥാന സ്പോര്‍ട്സ് കൗണ്‍സില്‍ എന്നിവയുടെ ആഭിമുഖ്യത്തില്‍ സംഘടിപ്പിച്ച ഒന്നാമത് ഫെഡറേഷന്‍ കപ്പ് യോഗ ദേശീയ ചാമ്പ്യന്‍ഷിപ്പിന്‍റെ ഉദ്ഘാടനം വെള്ളയമ്പലം ജിമ്മി ജോര്‍ജ് ഇന്‍ഡോര്‍ സ്റ്റേഡിയത്തില്‍ ഉദ്ഘാടനം ചെയ്യുകയായിരുന്നു മുഖ്യമന്ത്രി.

മൊത്തത്തില്‍ ജീവിതത്തിനുതന്നെ ചിട്ട വരും എന്നതാണ് യോഗയുടെ പ്രത്യേകത. മാനസിക സംഘര്‍ഷം, ആത്മഹത്യാ പ്രവണത ഇവയെല്ലാം അവസാനിപ്പിക്കാന്‍ യോഗയ്ക്കു കഴിയും. ചെറുപ്രായത്തില്‍തന്നെ പ്രമേഹവും രക്തസമ്മര്‍ദവും അടക്കമുള്ള രോഗങ്ങള്‍ വര്‍ധിച്ചുവരുന്നു. ഇല്ലാതായെന്നു കരുതുന്ന രോഗങ്ങള്‍ തിരിച്ചുവരുന്നു. അതിനാല്‍ ചെറിയ പ്രായത്തില്‍തന്നെ യോഗ പരിശീലിക്കണമെന്നും മുഖ്യമന്ത്രി പറഞ്ഞു. (more…)

സ്വാമി വിവേകാനന്ദന്‍ യുവപ്രതിഭാ അവാര്‍ഡ്

സംസ്ഥാന യുവജനക്ഷേമ ബോര്‍ഡിന്‍റെ ആഭിമുഖ്യത്തില്‍ വിവിധ മേഖലകളില്‍ കഴിവ് തെളിയിച്ച യുവതീയുവാക്കള്‍ക്കായി വര്‍ഷംതോറും സ്വാമി വിവേകാനന്ദന്‍റെ നാമധേയത്തിലുള്ള പുരസ്കാരങ്ങള്‍ നല്‍കിവരുന്നു. ആ പരമ്പരയിലെ നാലാമത്തെ സംസ്ഥാനതല യുവപ്രതിഭാ അവാര്‍ഡാണ് ഇന്ന് ഇവിടെവെച്ച് നല്‍കുന്നത്. ചെറുപ്പത്തില്‍ ലഭിക്കുന്ന അംഗീകാരം കൂടുതല്‍ കര്‍മനിരതരാവാന്‍ വേണ്ട
കരുത്തും പ്രചോദനവും നല്‍കും. ആ നിലയ്ക്കാവട്ടെ ഈ പുരസ്കാരങ്ങള്‍ സ്വീകരിക്കപ്പെടുന്നത് എന്നു സ്നേഹപൂര്‍വം ഞാന്‍ ആശംസിക്കുന്നു.

കൃഷി, സാമൂഹ്യപ്രവര്‍ത്തനം, കല, കായികം, സാഹിത്യം, മാധ്യമപ്രവര്‍ത്തനം എന്നീ മേഖലകളില്‍ പ്രതിഭകളായിട്ടുള്ളവരാണ് അവാര്‍ഡിന് അര്‍ഹരായിട്ടുള്ളത്. ഓരോ മേഖലകളിലും കഴിവ് തെളിയിച്ച ജൂറിയാണ് ഇവരെ തെരഞ്ഞെടുത്തിട്ടുള്ളത്. അമ്പതിനായിരത്തി ഒന്ന് രൂപയും പ്രശസ്തിപത്രവുമാണ് ഓരോ മേഖലയിലേയും അവാര്‍ഡിലുള്ളത്. ഇതുകൂടാതെ സംസ്ഥാനതലത്തില്‍ മികച്ച പ്രവര്‍ത്തനം നടത്തുന്ന ക്ലബ്ബിന് അമ്പതിനായിരം രൂപയുടെ അവാര്‍ഡും നല്‍കിവരുന്നു. യുവതലമുറയെക്കുറിച്ചുള്ള കരുതലിന്‍റെ പ്രതിഫലനമാണ് ഈ അവാര്‍ഡുകളിലുള്ളത്. നമ്മുടെ നാട്ടില്‍ ഇത്തരത്തില്‍ കഴിവ് തെളിയിക്കുന്നവര്‍ക്കായി അവാര്‍ഡ് നല്‍കുന്ന നിരവധി സംഘടനകളും സ്ഥാപനങ്ങളുമുണ്ട്. (more…)