Tag: agriculture

മന്ത്രിസഭാ തീരുമാനങ്ങള്‍ 03/05/2017

തോട്ടണ്ടി ഇറക്കുമതിക്ക് പ്രത്യേക കമ്പനി

വിദേശത്തുനിന്ന് തോട്ടണ്ടി നേരിട്ട് ഇറക്കുമതി ചെയ്യുന്നതിനും സര്‍ക്കാര്‍, സ്വകാര്യ കമ്പനികള്‍ക്ക് നേരിട്ട് വിതരണം ചെയ്യുന്നതിനും പ്രത്യേക കമ്പനി (സ്പെഷല്‍ പര്‍പ്പസ് വെഹിക്കിള്‍) രൂപീകരിക്കാനുള്ള നിര്‍ദേശത്തിന് മന്ത്രിസഭ തത്വത്തില്‍ അംഗീകാരം നല്‍കി. ആവശ്യമെങ്കില്‍ കശുവണ്ടി പരിപ്പ് വിപണനത്തിലും കമ്പനിക്ക് ഏര്‍പ്പെടാം.

മൂന്നുലക്ഷം സ്ത്രീകള്‍ പണിയെടുക്കുന്ന കശുവണ്ടി മേഖല തോട്ടണ്ടിയുടെ ദൗര്‍ലഭ്യം മൂലം പ്രതിസന്ധി നേരിടുന്ന സാഹചര്യം കണക്കിലെടുത്താണ് ഈ തീരുമാനം. കേരളത്തിലെ ഫാക്റ്ററികള്‍ പൂര്‍ണമായി പ്രവര്‍ത്തിപ്പിക്കാന്‍ ആറ് ലക്ഷം ടണ്‍ തോട്ടണ്ടി വേണം. എന്നാല്‍ കേരളത്തിലെ ഉല്പാദനം 80000 ടണ്‍ മാത്രമാണ്. ഇപ്പോള്‍ കശുവണ്ടി വികസന കോര്‍പറേഷനും കാപ്പെക്സും റ്റെണ്ടര്‍ വിളിച്ച് ഇടനിലക്കാര്‍ വഴിയാണ് കശുവണ്ടി വാങ്ങുന്നത്. (more…)

ഹരിതകേരളം – ധര്‍മ്മടം

ഹരിത കേരള മിഷന്‍റെ ഭാഗമായി കൃഷി, ജല സംരക്ഷണം എന്നിവ പരിപോഷിപ്പിക്കുന്നതിനായി ധര്‍മ്മടം ഗ്രാമപഞ്ചായത്ത് ‘ഒരു വീട്ടില്‍ ഒരു മാവും ഒരു മഴക്കുഴിയും’ എന്ന പ്രത്യേക പദ്ധതി നടപ്പിലാക്കുന്നതില്‍ എനിക്ക് അതിയായ സന്തോഷമുണ്ട്. 5000 ഒട്ടുമാവിന്‍ തൈകളും 7000 കാന്താരി തൈകളും വിതരണത്തിനായി എത്തിക്കഴിഞ്ഞെന്നും അതിനുപുറമെ 5000 മഴക്കുഴികളും തൊഴിലുറപ്പ് പദ്ധതിയില്‍ ഉള്‍പ്പെടുത്തിക്കൊണ്ട് തയ്യാറാക്കി കഴിഞ്ഞിട്ടുണ്ടെന്നുമാണ് ഞാന്‍ മനസ്സിലാക്കുന്നത്. ശ്ലാഘനീയമായ കാര്യമാണിത്.

ഐക്യകേരളത്തിന്‍റെ ചരിത്രത്തില്‍ ഭൂപരിഷ്കരണത്തിനു ശേഷം നടക്കുവാന്‍ പോകുന്ന ഏറ്റവും വലിയ ഭരണനടപടിയാണ് ഹരിതകേരളം പദ്ധതി. പ്രകൃതിസമൃദ്ധിയാല്‍ സമ്പന്നമായിരുന്നു നമ്മുടെ സംസ്ഥാനം. എന്നാല്‍ ഈ സമൃദ്ധി നമുക്ക് കൈമോശം വന്നിരിക്കുകയാണിന്ന്. അശാസ്ത്രീയമായ വികസനസങ്കല്‍പങ്ങള്‍ വികലമാക്കിയ നമ്മുടെ മണ്ണിനേയും പ്രകൃതിയേയും തിരിച്ചുപിടിക്കുകയെന്നതാണ് ഹരിതകേരളം പദ്ധതിയുടെ ആത്യന്തികമായ ലക്ഷ്യം. (more…)

വിഷുക്കണി 2017

നമ്മുടെ നാട്ടിലെ ഹരിത പാരമ്പര്യത്തിന്‍റെ സവിശേഷ കാഴ്ചയായി മലയാളികള്‍ കൊണ്ടാടുന്ന ഉത്സവാഘോഷമാണ് വിഷു. വിളസമൃദ്ധിയുടെ ഒരു ആഘോഷം കൂടിയാണിത്. പുഞ്ചനെല്ലിന്‍റെ സമൃദ്ധി, കാഞ്ഞു വളരുന്ന വിളകളുടെ സമൃദ്ധി, മൊട്ടിട്ടു നില്‍ക്കുന്ന പൂക്കളുടെ സമൃദ്ധി അങ്ങനെ എന്തുകൊണ്ടും നവാനുഭൂതി പകരുന്ന ഒന്നുതന്നെയാണല്ലോ വിഷുകാലം. ഈ സമയത്തുതന്നെ വിഷരഹിത നാടന്‍ പച്ചക്കറി വിപണികളുടെ ഉദ്ഘാടനം നടത്തുന്നത് എന്തുകൊണ്ടും അഭിനന്ദനാര്‍ഹമായ കാര്യമാണെന്ന് ആദ്യമേ തന്നെ പറഞ്ഞുകൊള്ളട്ടേ.

നമ്മുടെ നാട്ടിലെ ഹരിത പാരമ്പര്യത്തിന്‍റെ സവിശേഷ കാഴ്ചയായി മലയാളികള്‍ കൊണ്ടാടുന്ന ഉത്സവാഘോഷമാണ് വിഷു. വിളസമൃദ്ധിയുടെ ഒരു ആഘോഷം കൂടിയാണിത്. പുഞ്ചനെല്ലിന്‍റെ സമൃദ്ധി, കാഞ്ഞു വളരുന്ന വിളകളുടെ സമൃദ്ധി, മൊട്ടിട്ടു നില്‍ക്കുന്ന പൂക്കളുടെ സമൃദ്ധി അങ്ങനെ എന്തുകൊണ്ടും നവാനുഭൂതി പകരുന്ന ഒന്നുതന്നെയാണല്ലോ വിഷുകാലം. ഈ സമയത്തുതന്നെ വിഷരഹിത നാടന്‍ പച്ചക്കറി വിപണികളുടെ ഉദ്ഘാടനം നടത്തുന്നത് എന്തുകൊണ്ടും അഭിനന്ദനാര്‍ഹമായ കാര്യമാണെന്ന് ആദ്യമേ തന്നെ പറഞ്ഞുകൊള്ളട്ടേ. (more…)

കര്‍ഷകരുടെ പ്രശ്‌നങ്ങള്‍ പ്രധാന്യത്തോടെ കാണും

കര്‍ഷകരുടെ പ്രശ്‌നങ്ങള്‍ പ്രധാന്യത്തോടെ കാണുമെന്ന് മുഖ്യമന്ത്രി പിണറായി വിജയന്‍ പറഞ്ഞു. കൃഷിവ്യാപിപ്പിക്കാനും വിഷമുക്ത പച്ചക്കറികള്‍ ജനങ്ങളിലെത്തിക്കാനും ശക്തമായ നടപടികള്‍ തുടരുമെന്നും അദ്ദേഹം പറഞ്ഞു. വിഷു-ഈസ്റ്റര്‍ പ്രമാണിച്ച് കൃഷി വകുപ്പ്, ഹോര്‍ട്ടികോര്‍പ്പ്, വി.എഫ്.പി.സി.കെ, കര്‍ഷക കൂട്ടായ്മ എന്നിവയുടെ സംയുക്തസംരംഭമായി ‘വിഷുക്കണി-2017’ എന്ന പേരില്‍ നാടന്‍ പഴം-പച്ചക്കറി വിപണന ശൃംഖലകളുടെ സംസ്ഥാനതല ഉദ്ഘാടനം നിര്‍വഹിച്ച് സംസാരിക്കുകയായിരുന്നു അദ്ദേഹം.

കാര്‍ഷികരംഗത്ത് കുതിച്ചുചാട്ടം ഉണ്ടാക്കാനാണ് സര്‍ക്കാര്‍ ശ്രമിക്കുന്നത്. കാര്‍ഷികമേഖലയുടെ വളര്‍ച്ച കുറച്ചുകാലമായി താഴോട്ടാണെന്ന അവസ്ഥ ഗൗരവമായി പരിഗണിക്കണം. കാര്‍ഷികവികസനമില്ലാതെ വികസനം പൂര്‍ണമാകില്ല. പുതിയ ആളുകള്‍ മേഖലയിലേക്ക് കടന്നുവരാനും ഉത്പന്നങ്ങള്‍ക്ക് കര്‍ഷകര്‍ക്ക് ആദായം ലഭിക്കാനുമുള്ള പദ്ധതിയാണ് സര്‍ക്കാര്‍ നടപ്പാക്കുന്നത്. (more…)

സ്വാമി വിവേകാനന്ദന്‍ യുവപ്രതിഭാ അവാര്‍ഡ്

സംസ്ഥാന യുവജനക്ഷേമ ബോര്‍ഡിന്‍റെ ആഭിമുഖ്യത്തില്‍ വിവിധ മേഖലകളില്‍ കഴിവ് തെളിയിച്ച യുവതീയുവാക്കള്‍ക്കായി വര്‍ഷംതോറും സ്വാമി വിവേകാനന്ദന്‍റെ നാമധേയത്തിലുള്ള പുരസ്കാരങ്ങള്‍ നല്‍കിവരുന്നു. ആ പരമ്പരയിലെ നാലാമത്തെ സംസ്ഥാനതല യുവപ്രതിഭാ അവാര്‍ഡാണ് ഇന്ന് ഇവിടെവെച്ച് നല്‍കുന്നത്. ചെറുപ്പത്തില്‍ ലഭിക്കുന്ന അംഗീകാരം കൂടുതല്‍ കര്‍മനിരതരാവാന്‍ വേണ്ട
കരുത്തും പ്രചോദനവും നല്‍കും. ആ നിലയ്ക്കാവട്ടെ ഈ പുരസ്കാരങ്ങള്‍ സ്വീകരിക്കപ്പെടുന്നത് എന്നു സ്നേഹപൂര്‍വം ഞാന്‍ ആശംസിക്കുന്നു.

കൃഷി, സാമൂഹ്യപ്രവര്‍ത്തനം, കല, കായികം, സാഹിത്യം, മാധ്യമപ്രവര്‍ത്തനം എന്നീ മേഖലകളില്‍ പ്രതിഭകളായിട്ടുള്ളവരാണ് അവാര്‍ഡിന് അര്‍ഹരായിട്ടുള്ളത്. ഓരോ മേഖലകളിലും കഴിവ് തെളിയിച്ച ജൂറിയാണ് ഇവരെ തെരഞ്ഞെടുത്തിട്ടുള്ളത്. അമ്പതിനായിരത്തി ഒന്ന് രൂപയും പ്രശസ്തിപത്രവുമാണ് ഓരോ മേഖലയിലേയും അവാര്‍ഡിലുള്ളത്. ഇതുകൂടാതെ സംസ്ഥാനതലത്തില്‍ മികച്ച പ്രവര്‍ത്തനം നടത്തുന്ന ക്ലബ്ബിന് അമ്പതിനായിരം രൂപയുടെ അവാര്‍ഡും നല്‍കിവരുന്നു. യുവതലമുറയെക്കുറിച്ചുള്ള കരുതലിന്‍റെ പ്രതിഫലനമാണ് ഈ അവാര്‍ഡുകളിലുള്ളത്. നമ്മുടെ നാട്ടില്‍ ഇത്തരത്തില്‍ കഴിവ് തെളിയിക്കുന്നവര്‍ക്കായി അവാര്‍ഡ് നല്‍കുന്ന നിരവധി സംഘടനകളും സ്ഥാപനങ്ങളുമുണ്ട്. (more…)

അരി വിതരണം ഉദ്ഘാടനം

സംസ്ഥാനത്തെ പൊതുവിപണിയിലെ അരിയുടെ വിലക്കയറ്റംമൂലം ഉണ്ടായ ബുദ്ധിമുട്ടുകള്‍ കുറയ്ക്കുവാന്‍ ഈ സര്‍ക്കാര്‍ ഫലപ്രദമായ ഇടപെടല്‍ നടത്തിവരികയാണ്. നമ്മുടെ സംസ്ഥാനത്തെ അരിയുടെ ഉല്‍പാദനവും ഉപഭോഗവും തമ്മിലുള്ള അന്തരം മറ്റ് ഏതു സംസ്ഥാനത്തെക്കാളും അധികമാണ്.

ഭക്ഷ്യ കമ്മി നേരിടുന്ന ഏറ്റവും വലിയ സംസ്ഥാനങ്ങളിലൊന്നായ കേരളത്തിന്‍റെ ഭക്ഷ്യ ഉപഭോഗം പ്രധാനമായും നിറവേറ്റിയത് കേന്ദ്രത്തില്‍ നിന്നുമുള്ള റേഷന്‍ വിഹിതമായിരുന്നു. 1966 മുതല്‍ കേരളത്തില്‍ നിലവിലുണ്ടായിരുന്ന സ്റ്റാറ്റ്യൂട്ടറി റേഷനിംഗ് സമ്പ്രദായം പൊതുവിതരണ രംഗത്ത് ഇന്ത്യയ്ക്കാകെ മാതൃകയായിരുന്നു. 1997ല്‍ കേന്ദ്ര സര്‍ക്കാര്‍ ജനങ്ങളെ എപിഎല്‍, ബിപിഎല്‍ എന്ന് വേര്‍തിരിച്ച് റേഷന്‍ പരിമിതപ്പെടുത്തുന്ന നിലപാട് സ്വീകരിച്ചു. തുടര്‍ന്ന് 2013ല്‍ ശ്രീ. കെ വി തോമസ് കേന്ദ്ര ഭക്ഷ്യ-സിവില്‍ സപ്ലൈസ് വകുപ്പിന്‍റെ ചുമതല വഹിച്ചിരുന്ന കാലയളവിലാണ് ദേശീയ ഭക്ഷ്യസുരക്ഷാ നിയമം കേന്ദ്ര സര്‍ക്കാര്‍ നടപ്പിലാക്കിയത്. അങ്ങനെ സാര്‍വ്വത്രിക റേഷന്‍ സമ്പ്രദായത്തില്‍നിന്ന് പരിമിതപ്പെടുത്തപ്പെട്ട പൊതുവിതരണ വ്യവസ്ഥയിലേക്കും അതില്‍നിന്ന് ദേശിയ ഭക്ഷ്യസുരക്ഷാ നിയമവ്യവസ്ഥയിലേയ്ക്കും നീങ്ങിയപ്പോള്‍ പ്രതിവര്‍ഷം കേരളത്തിനു ലഭിച്ചുവന്നിരുന്ന ധാന്യം 16.25 ലക്ഷം മെട്രിക് ടണ്‍ എന്നതില്‍നിന്ന് 14.25 മെട്രിക് ടണ്‍ ആയി കുറഞ്ഞു. നമ്മുടെ വിപണിയിലെ അരിയുടെ വിലവര്‍ധനവിന്‍റെ പ്രധാന കാരണങ്ങളിലൊന്ന് ഇതാണ്. (more…)

വയനാട് വികസന സെമിനാര്‍

സി.പി.ഐ.(എം) വയനാട് ജില്ലാ കമ്മിറ്റിയുടെ നേതൃത്വത്തില്‍ അര്‍ത്ഥവത്തായ ഒരു പരിപാടിക്ക് ഇന്നിവിടെ തുടക്കമാകുകയാണ്. ‘വയനാടിന്‍റെ കാര്‍ഷിക പ്രതിസന്ധിയും വികസന കാഴ്ചപ്പാടും’ എന്ന വിഷയത്തില്‍ സംഘടിപ്പിച്ചിട്ടുള്ള സെമിനാറില്‍ പങ്കെടുക്കാന്‍ സാധിക്കുന്നതില്‍ എനിക്കേറെ സന്തോഷമുണ്ട്.

മാനന്തവാടിയില്‍ ചേര്‍ന്ന കഴിഞ്ഞ പാര്‍ടി ജില്ലാ സമ്മേളനത്തില്‍ അവതരിപ്പിച്ച പ്രമേയത്തിന്‍റെ തുടര്‍പ്രവര്‍ത്തനമെന്ന നിലയ്ക്കാണ് ഈ സെമിനാര്‍ സംഘടിപ്പിച്ചിട്ടുള്ളത്. വയനാട്ടിലെ കാര്‍ഷിക പ്രതിസന്ധി പരിഹരിക്കാനുള്ള പ്രവര്‍ത്തനങ്ങള്‍ മുന്‍നിര്‍ത്തി ജനങ്ങളുടെ ഭൗതിക പുരോഗതി ലക്ഷ്യമാക്കിയുള്ള ഒരു ബദല്‍ വികസന കാഴ്ചപ്പാട് രൂപീകരിക്കുക എന്നതാണ് ഈ സെമിനാര്‍ ലക്ഷ്യമിടുന്നത്. (more…)

എം.പിമാരുടെ യോഗം ചേര്‍ന്നു

സംസ്ഥാനത്തിന്റെ പൊതുവായ പ്രശ്‌നങ്ങളില്‍ സര്‍ക്കാരും എം.പിമാരും കൈക്കൊള്ളുന്ന യോജിച്ച നിലപാട് നല്ലനിലയ്ക്ക് തുടര്‍ന്നുപോകാനാകണമെന്ന് മുഖ്യമന്ത്രി പിണറായി വിജയന്‍ പറഞ്ഞു. പാര്‍ലമെന്റില്‍ ബജറ്റ് സമ്മേളനത്തിന് മുന്നോടിയായി സംസ്ഥാനത്തിന്റെ ആവശ്യങ്ങള്‍ ഉന്നയിക്കുന്നത് ചര്‍ച്ച ചെയ്യാന്‍ ചേര്‍ന്ന എം.പിമാരുടെ സമ്മേളനത്തില്‍ അധ്യക്ഷത വഹിച്ചു സംസാരിക്കുകയായിരുന്നു മുഖ്യമന്ത്രി.

വിവിധ ആവശ്യങ്ങള്‍ നേടിയെടുക്കാന്‍ കഴിഞ്ഞകാലങ്ങളില്‍ സഭയില്‍ ഉയര്‍ത്താന്‍ കഴിഞ്ഞ യോജിപ്പ് ഇനിയും തുടരണം. റേഷനുമായി ബന്ധപ്പെട്ട് ജനങ്ങള്‍ക്ക് നല്‍കാനുള്ള ഭക്ഷ്യധാന്യവിഹിതം ലഭിക്കുന്നില്ല. മുന്‍ഗണനാപട്ടിക വന്നപ്പോള്‍ പുറത്തായിപ്പോയവരുള്‍പ്പെടെയുണ്ട്. ഇക്കാര്യവും ഗൗരവമായി എടുക്കണം. നോട്ട് അസാധുവാക്കല്‍ ജനങ്ങള്‍ക്ക് ഏറെ പ്രയാസങ്ങളുണ്ടാക്കിയതായും സംസ്ഥാനത്തിന്റെ വരുമാനത്തില്‍ കുറവുണ്ടായതായും മുഖ്യമന്ത്രി എം.പിമാരുടെ ശ്രദ്ധയില്‍പ്പെടുത്തി. തുടര്‍ന്ന് വിവിധ വകുപ്പുകളുമായി ബന്ധപ്പെട്ട വിഷയങ്ങള്‍ മന്ത്രിമാരും സെക്രട്ടറിമാരും അജണ്ടപ്രകാരം എം.പിമാരുടെ ശ്രദ്ധയില്‍പ്പെടുത്തി ചര്‍ച്ച ചെയ്തു. (more…)

മന്ത്രിസഭാ തീരുമാനങ്ങള്‍ 14/12/2016

1. കേരള ദേവസ്വം റിക്രൂട്ട്മെന്റ് ബോര്‍ഡ് രൂപീകരിച്ച് വിജ്ഞാപനം പുറപ്പെടുവിച്ചു. അഡ്വ. എം. രാജഗോപാലന്‍ നായര്‍ ചെയര്‍പേഴ്സണും, ജി.എസ്. ഷൈലാമണി, പി.സി. രവീന്ദ്രനാഥ് എന്നിവര്‍ അംഗങ്ങളുമായിരിക്കും.

2. ഐ.ഐ.റ്റി. പാലക്കാട് സ്ഥാപിക്കുന്നതിനായി പാലക്കാട് താലൂക്ക് പുതുശ്ശേരി വെസ്റ്റ് വില്ലേജില്‍ 70.02 ഏക്കര്‍ ഭൂമി സൗജന്യമായി കൈമാറും.

3. മട്ടാഞ്ചേരിയില്‍ ബി.ഒ.റ്റി. പാലത്തിന്റെ ടോള്‍ പിരിവുമായി ബന്ധപ്പെട്ട് ഗാമണ്‍ ഇന്ത്യ കമ്പനിക്ക് നഷ്ടപരിഹാര തുകയായി 16.23 കോടി രൂപ പൂര്‍ണ്ണവും അന്തിമവുമായ തീര്‍പ്പായി (Full and Final Settlement) നല്‍കുവാന്‍ തീരുമാനിച്ചു.

4. രൂക്ഷമായ കാര്‍ഷിക പ്രതിസന്ധിയെ തുടര്‍ന്ന് കര്‍ഷകര്‍ നേരിടുന്ന സാമ്പത്തിക പ്രതിസന്ധി പരിഗണിച്ച് കര്‍ഷകര്‍ സംസ്ഥാനത്തെ വിവിധ ധനകാര്യ സ്ഥാപനങ്ങളില്‍ നിന്നും എടുത്ത വായ്പകള്‍ക്ക് മേലുള്ള ജപ്തി നടപടികള്‍ക്ക് 2017 മെയ് 31 വരെ മോറൊട്ടോറിയം പ്രഖ്യാപിച്ചു. (more…)

ഹരിതകേരളം മിഷന്‍: ജനപങ്കാളിത്തം ഉറപ്പാക്കണം

ഹരിതകേരളം മിഷന്‍ സാക്ഷരതാ പ്രസ്ഥാനത്തിനുശേഷമുള്ള ഏറ്റവും വലിയ ജനപങ്കാളിത്തമുള്ള പരിപാടിയായി മാറുമെന്ന് മുഖ്യമന്ത്രി പിണറായി വിജയന്‍ പറഞ്ഞു. ഡിസംബര്‍ എട്ടിന് നടക്കുന്ന സംസ്ഥാനതല ഉദ്ഘാടനത്തില്‍ വലിയ തോതില്‍ ജനപങ്കാളിത്തം ഉറപ്പാക്കണമെന്ന് മുഖ്യമന്ത്രി പിണറായി വിജയന്‍ ആവശ്യപ്പെട്ടു. കേരള ചരിത്രത്തിലെ പ്രധാനപ്പെട്ട ഒരു ദിവസമായി ഡിസംബര്‍ എട്ട് മാറണം. കേരളം ഹരിതവും, ശുചിത്വ പൂര്‍ണ്ണവും, കൃഷിയില്‍ സ്വയം പര്യാപ്തവുമാകുക എന്നതാണ് മിഷന്റെ ലക്ഷ്യം. ഹരിതകേരളം മിഷന്റെ സംസ്ഥാനതല പ്രവര്‍ത്തനങ്ങളുടെ ആരംഭം കുറിക്കുന്നതുമായി ബന്ധപ്പെട്ട് 14 ജില്ലകളുടെയും ചുമതലയുള്ള മന്ത്രിമാരുമായും ജില്ലാ കളക്ടര്‍മാരുമായും വീഡിയോ കോണ്‍ഫറന്‍സില്‍ സംസാരിക്കുകയായിരുന്നു അദ്ദേഹം. (more…)