Tag: Kerala Police

മൂന്നാംമുറയും അഴിമതിയും പോലീസ് സേനയില്‍ വെച്ചുപൊറുപ്പിക്കില്ല

മൂന്നാംമുറയും അഴിമതിയും പോലീസ് സേനയില്‍ പൂര്‍ണമായി ഇല്ലാതാകണമെന്നും, വിരുദ്ധമായി പ്രവര്‍ത്തിക്കുന്നവര്‍ക്കെതിരെ ശക്തമായ നിലപാട് സ്വീകരിക്കാന്‍ നിര്‍ദേശം നല്‍കിയിട്ടുണ്ടെന്നും മുഖ്യമന്ത്രി പിണറായി വിജയന്‍ അറിയിച്ചു. ബലപ്രയോഗവും ഭീഷണിയുമാണ് പോലീസിന്റെ പ്രവര്‍ത്തനങ്ങള്‍ക്ക് അടിസ്ഥാനം എന്ന ധാരണയ്ക്ക് ഇന്നത്തെക്കാലത്ത് മാറ്റം വന്നിട്ടുണ്ടെന്ന് അദ്ദേഹം അഭിപ്രായപ്പെട്ടു. പേരൂര്‍ക്കട എസ്.എ.പി പരേഡ് ഗ്രൗണ്ടില്‍ പരിശീലനം പൂര്‍ത്തിയാക്കിയ എസ്.എ.പി കോണ്‍സ്റ്റബിള്‍മാരുടെ പാസിംഗ് ഔട്ട് പരേഡില്‍ അഭിവാദ്യം സ്വീകരിച്ച് സംസാരിക്കുകയായിരുന്നു മുഖ്യമന്ത്രി. (more…)

മന്ത്രിസഭാ തീരുമാനങ്ങള്‍   19/10/2017

1. സ്റ്റേഷന്‍ ഹൗസ് ഓഫീസര്‍മാരായി സര്‍ക്കിള്‍ ഇന്‍സ്പെക്റ്റര്‍

സംസ്ഥാനത്തെ 196 പൊലീസ് സ്റ്റേഷനുകളില്‍ സ്റ്റേഷന്‍ ഹൗസ് ഓഫീസര്‍മാരായി സര്‍ക്കിള്‍ ഇന്‍സ്പെക്റ്റര്‍മാരെ നിയമിക്കാന്‍ മന്ത്രിസഭായോഗം തീരുമാനിച്ചു. നിലവില്‍ 8 പൊലീസ് സ്റ്റേഷനുകളില്‍ സര്‍ക്കിള്‍ ഇന്‍സ്പെക്റ്റര്‍മാര്‍ എസ്.എച്ച്.ഒ.മാരായുണ്ട്.

സംസ്ഥാനത്തെ 471 പൊലീസ് സ്റ്റേഷനുകളിലും ഘട്ടംഘട്ടമായി എസ്.എച്ച്.ഒ ആയി സര്‍ക്കിള്‍ ഇന്‍സ്പെക്റ്റര്‍മാരെ നിയമിക്കാന്‍ സര്‍ക്കാര്‍ ഉദ്ദേശിക്കുന്നുണ്ട്. അതിന്‍റെ ഭാഗമായാണ് ഒന്നിച്ച് 196 സ്റ്റേഷനുകളില്‍ ഈ പരിഷ്കാരം നടപ്പാക്കുന്നത്. ഇപ്പോള്‍ സബ് ഇന്‍സ്പെക്റ്റര്‍മാരാണ് സ്റ്റേഷന്‍ ഹൗസ് ഓഫീസര്‍മാരായി പ്രവര്‍ത്തിക്കുന്നത്. ഈ സ്ഥാനത്ത് കൂടുതല്‍ പരിചയ സമ്പത്തുളള സര്‍ക്കിള്‍ ഇന്‍സ്പെക്റ്റര്‍മാര്‍ വരുന്നത് സങ്കീര്‍ണമായ പ്രശ്നങ്ങള്‍ സമര്‍ഥമായി കൈകാര്യം ചെയ്യാന്‍ സഹായിക്കും. (more…)

ശബരിമലയിലെ മുഴുവന്‍ പ്രവൃത്തികളും ഒക്‌ടോബറില്‍ പൂര്‍ത്തിയാക്കണം

ശബരിമല മണ്ഡല മകരവിളക്ക് മഹോത്‌സവവുമായി ബന്ധപ്പെട്ട മുഴുവന്‍ പ്രവൃത്തികളും ഒക്‌ടോബറില്‍ പൂര്‍ത്തിയാക്കണമെന്ന് മുഖ്യമന്ത്രി പിണറായി വിജയന്‍ നിര്‍ദ്ദേശിച്ചു. ശബരിമല ഉത്‌സവത്തിന്റെ മുന്നൊരുക്കം വിലയിരുത്താന്‍ ഡര്‍ബാര്‍ ഹാളില്‍ നടന്ന യോഗത്തില്‍ അദ്ധ്യക്ഷത വഹിക്കുകയായിരുന്നു.

വിവിധ വകുപ്പുകള്‍ക്കും തദ്ദേശസ്വയംഭരണ സ്ഥാപനങ്ങള്‍ക്കും ആവശ്യമായ ഫണ്ട് ഒക്‌ടോബര്‍ 15നകം നല്‍കും. കഴിഞ്ഞ സീസണില്‍ ലഭിച്ചതില്‍ കൂടുതല്‍ തുക ആവശ്യമെങ്കില്‍ ബന്ധപ്പെട്ട വകുപ്പുകള്‍ ദേവസ്വം, ധന വകുപ്പ് സെക്രട്ടറിമാരെ വിവരം അറിയിക്കണമെന്ന് മുഖ്യമന്ത്രി പറഞ്ഞു. (more…)

മന്ത്രിസഭാ തീരുമാനങ്ങള്‍  20/09/2017

1. എയ്ഡഡ് സ്കൂളുകളില്‍ ഭിന്നശേഷിക്കാര്‍ക്ക് മൂന്നു ശതമാനം സംവരണം
പൊതുവിദ്യാഭ്യാസവകുപ്പിന് കീഴിലെ എയ്ഡഡ് സ്കൂളുകളില്‍ അധ്യപക – അനധ്യാപക നിയമനത്തില്‍ ശാരീരികാവശത അനുഭവിക്കുന്നവര്‍ക്ക് മൂന്നു ശതമാനം സംവരണം ഏര്‍പ്പെടുത്തുന്നതിന് ഓര്‍ഡിനന്‍സ് പുറപ്പെടുവിക്കാന്‍ ഗവര്‍ണറോട് ശുപാര്‍ശ ചെയ്യാന്‍ മന്ത്രിസഭായോഗം തീരുമാനിച്ചു. ഇത് സംബന്ധിച്ച് കേരള വിദ്യാഭ്യാസ നിയമത്തില്‍ ഭേദഗതി കൊണ്ടുവരുന്നതിനുള്ള കരട് ബില്‍ മന്ത്രിസഭ അംഗീകരിച്ചു.

2. ജലസ്രോതസ്സുകള്‍ മലിനപ്പെടുത്തന്നവര്‍ക്ക് കടുത്ത ശിക്ഷ
ജലസ്രോതസ്സുകള്‍ മലിനപ്പെടുത്തന്നവര്‍ക്ക് ശിക്ഷ വര്‍ധിപ്പിക്കുന്നതിനുളള നിയമഭേദഗതി ഓര്‍ഡിനന്‍സായി പുറപ്പെടുവിക്കാന്‍ ഗവര്‍ണറോട് ശുപാര്‍ശ ചെയ്യാന്‍ തീരുമാനിച്ചു. (more…)

സൈബര്‍ സുരക്ഷ ഉറപ്പാക്കാന്‍ കൂടുതല്‍ വിദഗ്ധരുടെ സേവനം ഉപയോഗിക്കണം

സൈബര്‍ സുരക്ഷ അതീവ പ്രാധാന്യമര്‍ഹിക്കുന്ന സാഹചര്യത്തില്‍ വിദഗ്ധരുടെ സേവനം കൂടുതലായി ഉപയോഗിക്കണമെന്ന് മുഖ്യമന്ത്രി പിണറായി വിജയന്‍ അഭിപ്രായപ്പെട്ടു. ‘സൈബര്‍ ഫെസ്റ്റ് 2017’ ന്റെയും കേരളാ പോലീസ് സൈബര്‍ ഡോമിന്റെ പുതിയ സംരംഭങ്ങളുടെ ഉദ്ഘാടനവും നിര്‍വഹിച്ച് സംസാരിക്കുകയായിരുന്നു മുഖ്യമന്ത്രി. കൊച്ചിയിലും കോഴിക്കോട്ടും സൈബര്‍ ഡോമിന്റെ പ്രാദേശിക കേന്ദ്രങ്ങള്‍ ആരംഭിക്കുമെന്നും അദ്ദേഹം അറിയിച്ചു.

വിവര സാങ്കേതികവിദ്യ വിദഗ്ധമായി പ്രയോഗിച്ചാണ് സൈബര്‍ കുറ്റങ്ങള്‍ ചെയ്യുന്നത്. ഇത്തരം കുറ്റകൃത്യങ്ങള്‍ കുറയ്ക്കുന്നതില്‍ സൈബര്‍ഡോം വലിയ പങ്ക് വഹിക്കുന്നുണ്ട്. സന്നദ്ധ അടിസ്ഥാനത്തില്‍ സേവനം നടത്തുന്ന സൈബര്‍ ഡോം പ്രവര്‍ത്തകര്‍ നിയമപരമായ നടപടി സ്വീകരിക്കുകയല്ല ചെയ്യുന്നത്. അക്കാര്യങ്ങള്‍ക്ക് സൈബര്‍ സെല്‍ , ഹൈടെക് എന്‍ക്വയറി സെല്‍, സൈബര്‍ പോലീസ് തുടങ്ങിയ സംവിധാനങ്ങളുണ്ട്. (more…)

മന്ത്രിസഭാ തീരുമാനങ്ങള്‍ 28/06/2017

വനിതാ-ശിശുവികസന വകുപ്പ് രൂപീകരിക്കും

സംസ്ഥാനത്ത് വനിതാ-ശിശുവികസന വകുപ്പ് രൂപീകരിക്കുവാന്‍ മന്ത്രിസഭ തീരുമാനിച്ചു. എല്‍ഡിഎഫ് പ്രകടനപത്രികയിലെ വാഗ്ദാനം പാലിച്ചുകൊണ്ടാണ് മന്ത്രിസഭ ഈ തീരുമാനം എടുത്തത്. 2016ലെ നയപ്രഖ്യാപനത്തിലും പുതിയ വകുപ്പ് രൂപീകരിക്കുമെന്ന് സര്‍ക്കാര്‍ ഉറപ്പുനല്‍കിയിരുന്നു.

സാമൂഹ്യനീതി വകുപ്പ് വിഭജിച്ചുകൊണ്ടാണ് പുതിയ വകുപ്പ് രൂപീകരിക്കുന്നത്. വികസന പ്രവര്‍ത്തനത്തില്‍ സ്ത്രീകള്‍ക്ക് തുല്യപങ്കാളിത്തം ലഭിക്കുന്നതിനും ലിംഗവിവേചനത്തില്‍ നിന്നും അതിക്രമങ്ങളില്‍നിന്നും സംരക്ഷണം ലഭിക്കുന്നതിനും കുട്ടികളുടെ അവകാശസംരക്ഷണത്തിനും പ്രത്യേക വകുപ്പ് വേണമെന്ന ആവശ്യം പൊതുസമൂഹം ഏറെക്കാലമായി ഉന്നയിക്കുന്നതാണ്. ജന്‍ഡര്‍ ഓഡിറ്റിംഗ് മറ്റ് വകുപ്പുകളിലെ സ്ത്രീകളുമായി ബന്ധപ്പെട്ട പദ്ധതികളുടെ ഏകോപനം എന്നിവയും പുതിയ വകുപ്പിന്റെ ചുമതലകളില്‍ വരും. (more…)

കേരളം ക്രമസമാധന രംഗത്ത് പുര്‍ണവിജയം

കേരളം ക്രമസമാധാന രംഗത്ത് മികച്ച സംസ്ഥാനമാണെന്ന് മുഖ്യമന്ത്രി പിണറായി വിജയന്‍ ഗവര്‍ണര്‍ പി. സദാശിവത്തിനയച്ച കത്തില്‍ ചൂണ്ടിക്കാട്ടി. സംസ്ഥാനത്ത് ക്രമസമാധാനത്തകര്‍ച്ചയാണെന്നും സ്ത്രീകള്‍ക്കും കുട്ടികള്‍ക്കുമെതിരെയും ബി.ജെ.പി.ക്കാര്‍ക്കെതിരെയുമുള്ള അക്രമങ്ങള്‍ കൂടിവരുന്നതായും കാണിച്ച് മഹാരാഷ്ട്രയിലെ ബി.ജെ.പി. എം.പി. പൂനം മഹാജന്‍ ഗവര്‍ണര്‍ക്ക് കത്തയച്ചിരുന്നു. ഇതിന്റെ കോപ്പിയുള്‍പ്പടെ ഗവര്‍ണര്‍ മുഖ്യമന്ത്രിക്ക് അയച്ച കത്തിന് മറുപടിയായാണ് മുഖ്യമന്ത്രി ഇക്കാര്യം അറിയിച്ചത്.

സര്‍ക്കാര്‍ അധികാരത്തില്‍ വന്നശേഷം 19 ആര്‍.എസ്.എസ്., ബി.ജെ.പി., എ.ബി.ബി.പി. പ്രവര്‍ത്തകര്‍ കൊല്ലപ്പെട്ടിട്ടുണ്ടെന്നും കുറ്റക്കാര്‍ക്കെതിരെ കാര്യമായ നടപടിയെടുത്തിട്ടില്ലെന്നും കത്തില്‍ ചൂണ്ടിക്കാട്ടിയിരുന്നു. 1300 ഓളം കേസുകള്‍ സ്ത്രീകള്‍ക്കും കുട്ടികള്‍ക്കുമെതിരെ ഈ കാലയളവില്‍ രജിസ്റ്റര്‍ ചെയ്തിട്ടുണ്ടെന്നും എം.പി. ഗവര്‍ണര്‍ക്കയച്ച കത്തില്‍ പറഞ്ഞിട്ടുണ്ട്. (more…)

Strengthening Law and Order

From day one of its inception, LDF government has taken measures to improve the law and order of the state. As a government policy, scientific methods are being used for crime investigation instead of torture methods. Curbing violence against women and children has become the top priority of the government. The law and order of any society is primarily kept intact in the well-being of a community. The government has taken steps to extend the successful community policing program, Janmaithry Stations, to all police stations.

Addressing Violence Against Women and Children

Safety of women has become an area of prime concern. The government has introduced Pink Patrol in six cities. Simultaneously, Pink Beat is also introduced in bus stands and junctions in some other cities. (more…)

മിത്ര 181 വനിതാ ഹെല്‍പ്പ്ലൈന്‍

ലോകത്തിന്‍റെ തന്നെ ശ്രദ്ധയാര്‍ജിച്ച കേരള വികസന മാതൃകയുടെ ഏറ്റവും പ്രധാനപ്പെട്ട പ്രത്യേകതകളിലൊന്ന് ആരോഗ്യ വിദ്യാഭ്യാസ മേഖലകളിലുള്ള സ്ത്രീകളുടെ ഉന്നത നിലവാരമാണ്. സാക്ഷരത, സ്ത്രീ പുരുഷ അനുപാതം, ആയുര്‍ ദൈര്‍ഘ്യം എന്നിങ്ങനെയുള്ള കാര്യങ്ങളില്‍ കേരളത്തിന് വികസിത രാജ്യങ്ങളോടൊപ്പമെത്താന്‍ കഴിഞ്ഞിട്ടുണ്ടെന്നുള്ളത് അഭിമാനകരമായ കാര്യമാണ്. സ്ത്രീകളെ പിന്നിലേക്ക് തള്ളിയിട്ട് പുരുഷസമൂഹത്തിനു മാത്രമായി പുരോഗതി ഉണ്ടാക്കിയെടുക്കുകയായിരുന്നില്ല കേരളം എന്നത് അതിനേക്കാള്‍ അഭിമാനകരമായ കാര്യമാണ്. 2011ലെ ജനസംഖ്യാ കണക്കനുസരിച്ച് ഇന്ത്യയില്‍ സ്ത്രീകളുടെ ശരാശരി ആയുര്‍ ദൈര്‍ഘ്യം 67 വയസ്സാണെങ്കില്‍ കേരളത്തിലെ സ്ത്രീകളുടെ ശരാശരി ആയുര്‍ ദൈര്‍ഘ്യം 77 വയസ്സാണ്. ശിശുമരണനിരക്കും മാതൃ മരണനിരക്കും ഏറ്റവും കുറവുള്ള ഇന്ത്യന്‍ സംസ്ഥാനവുമാണ് കേരളം.

എന്നാല്‍, കേരളത്തില്‍ കഴിഞ്ഞ കുറച്ചുകാലമായി സ്തീകളുടെ തൊഴില്‍ പങ്കാളിത്ത നിരക്ക് കുറഞ്ഞുവരുന്നതായിക്കാണുന്നുണ്ട്. സ്വയം തൊഴിലെടുക്കുന്ന സ്ത്രീകളുടെ എണ്ണമെടുത്താല്‍ കേരളത്തിന്‍റെ ശരാശരി ദേശീയ ശരാശരിയെ അപേക്ഷിച്ച് വളരെ താഴ്ന്നതാണ്. അഭ്യസ്തവിദ്യരായ സ്ത്രീകളുടെ തൊഴിലില്ലായ്മ കേരളത്തിന്‍റെ പ്രത്യേകതയാണ്. (more…)

മിത്ര 181 – വനിത ഹെല്‍പ് ലൈന്‍ പദ്ധതിയ്ക്ക് തുടക്കമായി

പോലീസ് സേനയിലെ സ്ത്രീകളുടെ പ്രാതിനിധ്യം 50 ശതമാനമായി ഉയര്‍ത്തുകയാണ് ലക്ഷ്യമെന്ന് മുഖ്യമന്ത്രി പിണറായി വിജയന്‍ പറഞ്ഞു. ആദ്യഘട്ടത്തില്‍ 15 ശതമാനമായി വര്‍ധിപ്പിക്കുകയും തുടര്‍ന്ന് ഘട്ടംഘട്ടമായി അന്‍പത് ശതമാനമെന്ന ലക്ഷ്യം കൈവരിക്കുകയും ചെയ്യും. വനിതകള്‍ക്കായി പ്രത്യേക ബറ്റാലിയന്‍ രൂപീകരിക്കുമെന്നും മുഖ്യമന്ത്രി പറഞ്ഞു. വനിതാ വികസന കോര്‍പ്പറേഷന്റെ നേതൃത്വത്തിലുളള മിത്ര 181 വനിതാ ഹെല്‍പ് ലൈന്‍ പദ്ധതിയുടെ ഉദ്ഘാടനം തിരുവനന്തപും കോ- ബാങ്ക് ടവേഴ്‌സില്‍ നിര്‍വഹിക്കുകയായിരുന്നു അദ്ദേഹം.

സ്ത്രീ സുരക്ഷയ്ക്ക് ഏറ്റവും മുന്‍തൂക്കം നല്‍കുന്ന സംസ്ഥാനമായിട്ടുപോലും കേരളത്തില്‍ ഒട്ടേറെ പ്രശ്‌നങ്ങള്‍ നിലനില്‍ക്കുന്നുണ്ട്. അവയെ പ്രശ്‌നങ്ങളായി തന്നെ കണ്ടുകൊണ്ട് പരിഹാരം കാണാനാണ് സര്‍ക്കാര്‍ ശ്രമിക്കുന്നത്. ഇതിന്റെ ഭാഗമായി സ്ത്രീകള്‍ക്കും കുട്ടികള്‍ക്കുമായി പ്രത്യേക വകുപ്പുതന്നെ രൂപീകരിക്കും. ഇതിനുളള നടപടികള്‍ ഏതാണ്ട് പൂര്‍ത്തിയായതായും മുഖ്യമന്ത്രി അറിയിച്ചു. അതിക്രമങ്ങള്‍ക്കെതിരെ ശക്തമായ ബോധവത്കരണവും കൂട്ടായ പ്രവര്‍ത്തനങ്ങളും ആവശ്യമാണെന്നും വനിതാവികസന കോര്‍പ്പറേഷന്‍പോലുളള സ്ഥാപനങ്ങള്‍ക്ക് ഇക്കാര്യത്തില്‍ മുന്‍ കൈയെടുത്തു പ്രവര്‍ത്തിക്കാനാകുമെന്നും അദ്ദേഹം പറഞ്ഞു. (more…)